亞萊泰 (T Town North)

營業中

休息中

海南雞一隻，因為屋企人特別鍾意食雞，所以足足叫咗一隻，雞好大隻，一啲都唔係BB雞，而且外皮鮮黃色，皮脆，肉又滑，放落口啖啖肉，又唔會好肥，肉質充滿鮮味，一啲都食唔到雪藏嘅味道，唔止雞髀呀，就連雞胸肉，都係滑嫩嘅。蒜蓉炒椰菜苗，顏色的綠色， 青BB，一睇就知道新鮮炒起啦，淡淡蒜蓉味，又夠鑊氣，食得泰國菜，又邊少得食返個椰菜苗啊，因為唔係度度都食到架，仲要炒得好味，就真係更加難得啦。炸軟殼蟹，新鮮炸起，炸至金黃色，份量一啲都唔少架，足足有兩隻，放落口脆身，果然新鮮呀！軟殼蟹果然係軟殼蟹，啲殼十分之軟，而且又肥美，果然夠美味呀。服務員親切有禮，而且加水又很快，上菜嘅速度果然可以用神速形容啊。