影片
更多
2025-01-02
112 瀏覽
嚟到假期嘅尾聲，當然要食返餐好，收拾心情返工啦。位於天水圍西鐵站附近嘅Flat Mountain Cafe，餐廳以湖水藍白色設計，環境清幽，座位有室外同室內，非常寵物友善，打卡亦都一流，食物方面，有沙律、全日早餐、burger、poked bowl、意粉同椰菜花飯，仲有各式各樣飲品添。大啡菇全日早餐：全日早餐除左有芝士大啡菇之外，仲有牛油果、煙肉、炒蛋、茄汁豆、薯餅、沙律菜同牛角包，大啡菇烤過後非常多汁，加埋芝士真係相當邪惡，炒蛋非常嫩滑，配埋煙肉、茄汁豆同薯餅，除此之外，牛油果熟得剛剛好，配搭埋牛角包，真係perfect。自選蓋飯：所謂自選，係從自選底、主食、配菜、伴菜同醬料中揀自己喜歡嘅選項。自選底有白飯、沙律菜、蕎麥麵或者讚岐烏冬揀，主食係protein,可以揀一款，配菜揀三款，伴菜三款，以及醬料一款。我地自選底揀左蕎麥麵、主食揀煙三文魚、配菜揀櫻花蝦、中華沙律、甜粟米，至於伴菜，就揀左蟹籽、芝麻、紫菜絲，而醬汁就揀日式胡麻醬。上菜時真係令我哋哇咗一聲，色彩繽紛，賣相非常吸引，煙三文魚肉質鮮嫩，櫻花蝦香氣十足，中華沙律非常爽口，值得一讚嘅係醬汁分開上，鍾意落幾多就幾多，整體配搭唔
位於天水圍西鐵站附近嘅Flat Mountain Cafe，餐廳以湖水藍白色設計，環境清幽，座位有室外同室內，非常寵物友善，打卡亦都一流，食物方面，有沙律、全日早餐、burger、poked bowl、意粉同椰菜花飯，仲有各式各樣飲品添。
大啡菇全日早餐：全日早餐除左有芝士大啡菇之外，仲有牛油果、煙肉、炒蛋、茄汁豆、薯餅、沙律菜同牛角包，大啡菇烤過後非常多汁，加埋芝士真係相當邪惡，炒蛋非常嫩滑，配埋煙肉、茄汁豆同薯餅，除此之外，牛油果熟得剛剛好，配搭埋牛角包，真係perfect。
自選蓋飯：
所謂自選，係從自選底、主食、配菜、伴菜同醬料中揀自己喜歡嘅選項。
自選底有白飯、沙律菜、蕎麥麵或者讚岐烏冬揀，主食係protein,可以揀一款，配菜揀三款，伴菜三款，以及醬料一款。
我地自選底揀左蕎麥麵、主食揀煙三文魚、配菜揀櫻花蝦、中華沙律、甜粟米，至於伴菜，就揀左蟹籽、芝麻、紫菜絲，而醬汁就揀日式胡麻醬。
上菜時真係令我哋哇咗一聲，色彩繽紛，賣相非常吸引，煙三文魚肉質鮮嫩，櫻花蝦香氣十足，中華沙律非常爽口，值得一讚嘅係醬汁分開上，鍾意落幾多就幾多，整體配搭唔錯，味道清新。
Cappuccino/flat white
咖啡嘅香氣好濃郁，口感順滑，配埋靚靚拉花，慢慢坐係度嘆咖啡，非常寫意。
呢度食物質素相當好高，價錢都算合理，環境又唔錯，算係性價比高。
張貼
