榆越 (已結業)

天水圍最近d商場都開左唔少既餐龐，呢晚就同媽媽去試下天一新開既越式餐廳餐廳係m記最入果排d食店到，呢間算係幾闊落，坐都坐得幾舒服我地點左一碗生牛肉河粉、招牌燒牛肉越式法包同小食拼盤飲品方面就點左凍美祿恐龍同椰汁紅豆冰上菜速度都幾快，落左單好快就有呢碗生牛肉河粉聽店員講所用既牛係安格斯牛，一睇d紋路果然唔係普通肥牛，切到薄薄一片，肥既部分唔多，好易入口，肉質嫩滑又有牛味。個湯底都係香濃既牛骨湯，配埋洋蔥、芽菜、蔥花、九層塔、唐生菜，，更添越式風味仲係跟埋青檸同辣椒，對於好似我呢類無辣不歡既人，加少少辣更加好味因為見佢個法包好似好吸引，同埋好掛住以前係越南旅行果陣食既法包，所以我地叫左個招牌燒牛肉越式法包個法包賣相真係幾靚，同menu上面既圖一樣，打開個包睇就會知道燒牛肉唔係得面頭果浸咁多，而係成個法包入面都係燒牛肉，配埋入面既豬肝醬同越式辣醬好好味，入面既新鮮蕃茄同表瓜令到個包幾fresh，唯一略嫌d燒牛肉燒到硬左少少見到menu上面d小食好吸引，所以叫左個越味小食拼盤，諗住咩都試下呢個小食拼盤真係大人細路都岩，個蒜蓉牛油雞翼同金絲網春卷炸到非常香脆，就算上左台一段時間都仲好熱辣辣炸蝦餅