Bello Dining (已搬遷) 新店位置

呢間都算係我比較常去嘅餐廳，但係通常都係食午餐多，今日同埋幾位同事再次去呢度食，可能因為疫情關係，所以都比較少人，若果唔係平時都需要排隊。佢個午餐餐牌我都試過晒㗎啦，佢無論意粉或者pizza，都好有水準。意粉佢好有彈性，好有咬口，一啲都冇煮過龍，佢嘅青醬雜菌扁意粉同埋spaghetti bolognese 啲汁都好香，唔會多到成口都剩係得汁。佢嘅Pizza雖然唔係好大，但係佢個底好脆，對我來講有啲脆過頭，好似食餅咁，除咗呢樣味道都好好。呢間餐廳唯一缺點就係份量唔大，可能有機會有啲大食嘅男仔會唔夠食。