天海 (已結業)

週六早上honey喺中環睇完醫生，中午時份兩口子就應虎兄早前推介，行咗過去鴨巴甸街，一試新開不久o既天婦羅專門店「天海」 。其實同一條街上面已有兩家高價名天婦羅店，只有九個位o既「天海」居然選擇喺佢地中間開設，可真謂膽識過人  ！由於午市不設訂座，營業時間又只得兩小時，人齊方可入座亦屬理所當然。小店門面並不起眼，落地玻璃身後只有一盆座地鮮花。花旁簡單一句「日本產米使用店」卻又足以為食客打下強心針 。店內只有門旁o既靚花擺設，裝潢簡約優雅得黎盡顯實而不華之風格。座位全部圍繞住師傅o既煮食舞台，每份午餐都係由大廚老闆親自即場炸製，企足兩個鐘，絕無欺場 ！入座一刻，日藉女主人先每人送上熱烘烘o既綠茶一杯，窩心又暖手。食店小本經營，餐牌亦較簡單，據悉晚餐冇得揀，只可任由廚師發辦，約千三蚊一位。午餐現階段則有四款套餐可選，每款均為$180，另收加一服務費；預計稍後將加推和牛三文治。二人第一次光顧，小肥好傳統地叫咗客「天丼」，較愛吃麵o既情人則點選天婦羅蕎麥麵餐「天せいろ」。睇到餐牌上列出一款名叫「靜岡割り」o既綠茶雞尾酒好似幾得意咁，$68杯又唔貴，XO仔就叫咗杯黎試。 特飲茶味幽香，