XTC Gelato (已結業)

食完飯口痕想食雪糕，經過尖沙咀天星碼頭，見到有XTC Gelato，同朋友仔買返個雙球雪糕慢慢歎~XTC Gelato主打天然低脂意式雪糕，有一系列雪糕、雪葩。除左有固定既經典口味，每季都會推出多款期間限定口味!好友揀左期間限定既山竹雪葩同哈密瓜雪葩，山竹好有清甜脫俗既感覺，哈密瓜味道濃郁爽甜，加上雪葩不含乳製品同脂肪，健康又好味~我揀左香蕉乳酪同冧酒提子乾，酸甜乳酪配充滿果香既香蕉，好清新；帶酒香味既提子乾令人一試難忘。雪糕可以揀脆筒或雪糕杯，食落柔軟細膩，食得出用新鮮材料製造，全天然、無任何添加劑，食得健康又安心~