CIAK - All Day Italian (太古城中心) (已結業)

去太古城購物之餘，都要搵食，見呢間新開，就入去試一試。太古城呢間係中環置地廣場CIAK -In The Kitchen嘅分店，中環店有米芝蓮一星，但我未去過，先試呢間未有星嘅。我地四個人，坐低先嚟四瓣麵包，熱辣辣，皮脆内軟，好食份量較細，兩啖食完一瓣，男士可能一啖就食完侍應介紹，今日有龍蝦意粉，係餐牌冇嘅，我地都鍾意食龍蝦，所以要咗有半隻龍蝦，個龍蝦汁好味，呢個意粉其有高級餐廳嘅水準，都係份量較細Mixed salad，蔬菜新鮮，簡單用橄欖油同醋調味烤香腸，可以叫單一款或雙拼，因為個個都唔食辣，所以只叫單一款，佢地自家製做，新鮮好味Pizza又係可以選單一或雙拼，我地叫咗雙拼，食果陣時要小心，茄醬好熱，個麵團較厚身，好似剛才食果幾瓣麵包，可能係用同一個麵團食物份量較細，唔係好夠飽，叫多兩個甜品蛋白餅球，裏面有熱情果芭菲同糖煮士多啤梨伴白朱古力汁暖蘋果撻，好重肉桂味，加埋佢地自家制雲呢拿雪糕一齊食食物有水準，都係果句，份量細，服務亦幾好