大勝軒丸一 (金星閣) (已結業)

今日想行下太古城，好似有好多大減價，順便睇吓附近有咩嘢食，太古城商場入邊嘅餐廳就食得多，好少去近住宅嗰啲餐廳，見到太古都有沾麵決定試一試。見到上網啲評價都唔差，所以我本身期望都幾高，唔知係咪好肚餓嘅關係，我覺得好好味啊！呢個係我叫嘅辛沾麵，我揀咗2辣，最細係一最大係三。食落去唔算特別辣我就咁飲咗啖湯，覺得好鹹，但係就咁沾麵食又OK喎，啱啱好，好好食，仲有啲麵質好彈，唔會太冧，望落有啲似烏冬，食落好食！仲加左＄12多隻糖心蛋，唔錯。