PizzaExpress (康怡廣場北座) (已結業)

星期六早上，被陽光叫醒，想食個豐富早餐，揀咗屋企附近嘅Pizza Express，因為新增咗啲早餐 Manu打開個 Manu，果然好新淨，因為晏食，所以食豐富少少當 Brunch，最後 order咗意式早餐同意式焗蛋餅，飮品就揀咗Earl Grey同 English Breakfast Tea 飲品先上，兩壺茶都係自己斟，可以選擇加檸檬或者加奶，因為我哋都唔飲奶，所以就揀咗加檸檬，其實唔加就咁飲仲有茶味意式早餐有火腿，肉丸，烤蕃茄，炒大啡菇，煎蛋，火箭菜同牛角包。火腿鹹味唔重，就咁食都得。肉丸煎香後再加洋蔥茄汁一齊煮，濃味。蕃茄煎香後好似仲甜咗。大啡菇用牛油炒香，帶出菇菌嘅香味。蛋就煎到偏熟，好處就係切開都唔會流哂D蛋黃去。最後嘅牛角包係高潮，微暖但仍很脆口，牛油味又香，酥皮做得很出色，不愧係做 Pizza嘅專門店👍另外嘅意式焗蛋餅就係將意式肉腸，雜錦蘑菇，車厘茄，忌廉，芝士同蛋漿一齊焗，做法有啲似中式焗魚腸，再响上面放少少蔥花配自家製麵包一齊食，蛋味好濃而且芝士做到拉絲嘅效果。當咬到車厘茄時有少少爆汁，要小心焫到其實Pizza Express嘅食物水準一向都OK，而家新增呢個早餐Me