芝加哥串燒酒場 (太和中心)

🌟竟然喺北區俾我搵到一間高質嘅酒吧。芝加哥串燒酒場🌟入到去有高枱，亦都有普通枱，坐得幾舒服🌟酒吧主打串燒，有超過100串嘅串燒🌟串燒調味可以揀辣到，唔會過死鹹，有啲係蔥蒜味，有啲係孜然粉味，惹味，陪酒一流🌟齋Cocktail都好有好多種，今次揀咗Godiva Chocolate, 用Godiva朱古力溝烈酒，加埋棉花糖粒粒，形成一杯高質嘅奶酒，好推薦🌟另外都叫咗一支CIDER，喺愛爾蘭銷量第一嘅蘋果酒，入口蘋果香味重，酒精濃度唔高，好適合女仔飲🌟重點推介海鮮串燒， 香蒜蔥花廣島蠔，調味恰到好處，唔會遮蓋左蠔味🌟每隻蠔燒完都好飽滿，多汁，又夠大隻，差唔多有成隻手掌咁大，CP值好高🌟另外都推薦燒白鱔，香蔥燒蟶子王，夠厚肉，燒到啱啱好熟，完全唔會過老🌟安格斯牛肉蘆筍串，同埋金菇牛肉卷，都係必點🌟原條燒茄子，都係必點，條茄子勁大條，燒完都保留住蔬菜嘅汁水，超高質🌟最後一定要食埋燒菠蘿，燒完更加突出甜味，好正