影片
更多
2024-10-03
1882 瀏覽
賞島咖啡屋 The Pal Isle📍太子花園街233-235號偉雄大廈地下A號舖朋友同佢工作上嘅前輩有日約咗喺太子食晚餐，一行人預先約好去頗受歡迎嘅賞島咖啡屋，坐低傾吓食吓。雖然地方唔大，但勝在店員有禮，食物好睇又好食，所以我哋都搵咗一晚去撐檯腳。呢晚我哋唔算十分肚餓，望住選擇繁多嘅menu，花多眼亂，都唔知揀咩好。店員見我哋毫無頭緒，於是向我哋介紹各款具人氣嘅餐點，幫我哋省去點餐嘅煩惱，全部揀晒佢推介嘅嘢飲嘢食。 💰$178海膽味噌蟹肉意大利麵 🍝第一道上嘅係勁多人叫嘅海膽味噌蟹肉意大利麵，顏色鮮豔奪目，擺盤精緻用心，醬汁香濃幼滑，加上菇菌、海膽、蟹籽同蟹肉，整道意粉鮮味非常，充滿奶香。意粉粗幼度同軟硬度都恰到好處，掛汁之餘唔會過軟，配搭各種食材能夠增添口感，混入少少紫菜更有和洋風味，絕對係必食嘅招牌菜之一！ 💰$128咖啡燒汁烤豬仔脾 🐖第二款係新品咖啡燒汁烤豬仔脾，如其名係用咖啡調配特製燒汁烤焗豬仔脾，煮法相當新穎！用心擺盤有如藝術品一樣，店員推介用手拎住豬仔脾食，更添風味。豬仔脾肉嫩多汁，塗過咖啡燒汁嘅位置味道濃鬱，入口先有少許苦味，後勁有丁點甘甜，同豬肉嘅味道出奇哋夾！伴碟
📍太子花園街233-235號偉雄大廈地下A號舖
朋友同佢工作上嘅前輩有日約咗喺太子食晚餐，一行人預先約好去頗受歡迎嘅賞島咖啡屋，坐低傾吓食吓。雖然地方唔大，但勝在店員有禮，食物好睇又好食，所以我哋都搵咗一晚去撐檯腳。
呢晚我哋唔算十分肚餓，望住選擇繁多嘅menu，花多眼亂，都唔知揀咩好。店員見我哋毫無頭緒，於是向我哋介紹各款具人氣嘅餐點，幫我哋省去點餐嘅煩惱，全部揀晒佢推介嘅嘢飲嘢食。
[價錢 Price]
💰$178
海膽味噌蟹肉意大利麵 🍝
第一道上嘅係勁多人叫嘅海膽味噌蟹肉意大利麵，顏色鮮豔奪目，擺盤精緻用心，醬汁香濃幼滑，加上菇菌、海膽、蟹籽同蟹肉，整道意粉鮮味非常，充滿奶香。意粉粗幼度同軟硬度都恰到好處，掛汁之餘唔會過軟，配搭各種食材能夠增添口感，混入少少紫菜更有和洋風味，絕對係必食嘅招牌菜之一！
[價錢 Price]
💰$128
咖啡燒汁烤豬仔脾 🐖
第二款係新品咖啡燒汁烤豬仔脾，如其名係用咖啡調配特製燒汁烤焗豬仔脾，煮法相當新穎！用心擺盤有如藝術品一樣，店員推介用手拎住豬仔脾食，更添風味。豬仔脾肉嫩多汁，塗過咖啡燒汁嘅位置味道濃鬱，入口先有少許苦味，後勁有丁點甘甜，同豬肉嘅味道出奇哋夾！
伴碟有烤大啡菇、新鮮沙律菜、薯蓉、少量咖啡粉同粗鹽，食材豐富不單調。我哋特別欣賞大啡菇，除咗好香菇味，亦醬汁水鎖好鎖滿，一咬，立即喺口內散發菇香，正！
[價錢 Price]
💰$52
提拉米蘇 🍰
甜品揀選Tiramisu，佢嘅蛋糕比例較少，感覺比較輕盈。蛋糕底浸過咖啡後比較濕潤，同mousse嘅口感相輔相成。整體充滿咖啡味嘅香醇，有份量但不甜膩，令人想一食再食。
[價錢 Price]
💰$45
芝麻拿鐵 ☕️
嚟到cafe當然要叫返杯latte，黑芝麻latte最近我都幾喜歡，飯後飲返兩啖，似足食芝麻糊嘅感覺。佢哋芝麻同奶嘅比例大概4:6，兩者味道都好突出，好味道！
張貼
