Cafe Paradise (砵蘭街) (已結業)

是晚約咗屋企人打邊爐做節，所以做完運動後就決定求其搵間Cafe輕食。Cafe Paradise喺正太子地鐵站D岀口隔離，因為食完之後仲要趕住去買平羽絨，所以我哋餐牌都冇睇就衝左入去😂 又好彩無中伏👏簡簡單單叫咗三樣食物，當中最有驚喜嘅係Paradise Jumbo😜呢份All day breakfast非常足料！一上枱已經俾個份量嚇親，五顏六色未食落口已經嘩一聲，感覺好開心🥳 西冷牛扒、炒蛋、炒雜菇、焗蕃茄等等....你講得出嘅配搭都唔會缺少！有啲懷疑一個人真係食得晒？跟餐加錢叫咗杯玫瑰鮮奶咖啡，賣相啱晒我影相呃like，飲落淡淡玫瑰味令人感覺好舒服🎣其次我哋仲order咗美式水牛城雞翼！醬汁酸甜帶有微辣，炸後嘅雞中翼肉質依然好嫩滑，保留肉汁，好味道！👏👏最後仲叫咗客黑松露意大利肉餡雲吞☺️男朋友話佢細個好鍾意食！黑松露醬絕對冇偷工減料，食落唔會太漏，而且件數都唔少！星期日快食早餐x午餐x下午茶，幾餐group埋食到捧住個肚走！地方就腳、價錢亦都非常合理❤️