Lost in Thai (已結業)

呢間喺太子嘅泰國菜唔係好起眼，細細間～睇完Menu又覺得價錢唔算好貴，就入咗去試。味道唔錯，而且份量好足！性價比高！▫️虎蝦泰式冬陰功 $88▫️特色軟殼蟹炒咖喱 $168見佢單價唔算貴，所以嗌咗唔同嘅嘢食。冬陰功味道好濃郁，仲有兩隻大虎蝦喺入邊😳夠辣又夠酸！軟殼蟹炒咖喱份量超多！！啲軟殼蟹係原隻分開上，唔會浸落啲咖喱浸冧咗，食落非常香脆！黃咖喱太邪惡，再嗌多個薄餅點嚟食。▫️炸蝦餅 $62▫️泰式鳳爪沙律 $68▫️芒果糯米飯 $52蝦餅大大嚿有新鮮熱辣幾推介。食得最後一定要嗌多個芒果糯米飯先得！啲芒果勁甜，糯米飯又夠熱辣辣，好食。