告白果屋 (已結業)

落車成日經過呢間「告白果屋」，睇下menu啲野飲都幾搞鬼。周街都係台式飲料店，飲都飲到厭，行過就試下呢間新鮮果汁。價錢唔算抵，新鮮果汁嚟講算係咁，選擇唔多但組合都算新穎，不過佢兩杯優惠嘅飲品只限同款，即使同價錢都唔可以兩杯唔同，有啲唔識變通。我揀左「恐龍遇上噴火龍」同埋「SA-WA-DEE-KA」，份量上細杯咗少少，但都有心機砌到靚靚比你，店舖仲有啲裝飾位，啱晒打卡呃like。杯「SA-WA-DEE-KA」係芒果蘋果香蕉椰奶牛奶，飲落都知真材實料唔係溝水，不過味道太淡唔夠濃，唔算好飲，唔會返嗌。(6.5/10分)而「恐龍遇上噴火龍」係火龍果蘋果提子，顏色都幾嚇人，不過味道ok，火龍果味濃，不過不失。(7/10分)整體尚可，價錢還好，勝在真材實料用心製作。