Purple Cafe (已結業)

作為紫色控知道太子開咗間紫色主題嘅Cafe當然要來打打卡～未進店已經見到打咭位，紫色波波吊椅仲可以坐上去影相㗎💕我地點左個二人餐，有餐湯、兩份主菜、甜品。南瓜忌廉湯南瓜湯質地濃稠，南瓜甜度自然，質感滑膩，更有不少蟹肉絲。蟹柳明太子意粉和風意粉既最佳配搭，用左冇辣味明太子，細細粒呈鮮橙色，鮮嫩蟹柳幼絲同紫菜絲伴隨麵條一口食，味道輕盈咸鮮卡邦尼意粉醬汁濃厚，先拌勻煙肉碎、磨菇片、洋蔥粒同巴馬臣芝士粉，叉子捲起小圈意粉條時幾掛汁，夾雜咸香蛋香之餘口感特別豐富，少少黑椒香食起更加香勁。紫色主題當然要有紫色食物飲品襯托返～ 紫薯波波奶茶鮮紫薯鋪滿杯內，用飲管將鮮奶紫薯拌為一體，成杯粉紫色，好靚吖💕泰式檸檬茶以泰國綠糖冲調出冰凍檸檬茶飲，有別於一般橘色外觀睇落幾似蔬菜汁，甜度比較輕巧自然，一啖入喉冰爽涼快。熱情果白朱古力蛋糕鮮色甜點蘊含夏日色彩，尤其熱情果獨特酸酸甜甜激爽味道，配合淡雅白朱古力做夾心，內層蛋糕超軟綿感，清新果香消滯醒胃。法式拿破侖由雙層酥皮夾層，中間有鮮甜紅潤草莓切粒。入口酥皮乾身輕脆，咬落散發浪漫迷人果香又享受到微涼幼滑奶油香氣。