等 (已結業)

Cafe純白既門面，一個字寫住「等」，內裏純白色作主調，仲有啲乾花點綴🌹簡約清新既設計令人置身其中都有一種好放鬆既感覺～近門口位仲有打卡位，鍾意影相既不妨係度坐低影幾幅靚相先走。 1⃣️松葉蟹肉燴飯（$138）個飯真係砌到隻蟹既樣🦀️就咁睇已經覺得好吸引🤤個飯好重蟹既鮮味同埋都幾creamy～本身以為蟹殼只係裝飾，但係原來入面有好多蟹膏，撈埋落個飯到食，蟹味更加突出🤩加埋啲蟹籽，同埋飯入面既翠玉瓜、蟹鉗食，成個飯真係好正👍  2⃣️日式蒲燒鰻魚飯（$158） 鰻魚飯既鰻魚真係原條上😳勁長勁大條。鰻魚面頭鋪上紫菜絲、再加上甜甜地既鰻魚汁，配料有西蘭花、蓮藕片同埋醃蘿蔔，個飯都好有心思地鋪上蛋絲，食落一啲都唔會單調🥰  3⃣️小食拼盤（$98） 有炸雞塊、炸魚塊、炸洋蔥圈、炸魷魚圈同埋沙律，配上兩款醬，分別係蛋黃醬同埋他他醬。鍾意食炸物既一定唔可以錯過！  4⃣️白酒忌廉煮青口（$98） 青口一啲都唔乾唔鞋口。忌廉白酒汁同青口都好夾😋仲有兩塊蒜蓉包～  5⃣️玫瑰茉莉花茶 一壺（$52） 原壺上，個底有小蠟燭keep住茶既溫度🕯花茶清香，啱曬放鬆～  6⃣️Hojicha Chocolate（$46）呢個相對唔係特