Slash

營業中

休息中

食完飯喺太子想搵間Cafe坐吓，無意中經過呢間Cafe。門面裝修同一般Cafe唔同，入到去主要係Bar枱同埋牆邊一排座位。入邊裝修好有風格特色而且擺設好有心思，而樓底比較高，雖然座位唔特別多但高樓底令空間感覺好大。最驚喜係入店內養咗隻貓，而且係Pet friendly，所以鍾意貓貓嘅一定會好鍾意呢間Cafe。本身淨係諗住叫兩杯咖啡坐一陣就走，而Cafe冇時限，所以坐吓傾偈而且環境幾舒服，就決定坐耐d 叫多份甜品。☕️Mocha $55 (+$5轉oat milk)價錢同出邊一般Cafe偏貴d，但係拉花好有心思，而且咖啡同朱古力味道啱啱好唔會特別太重咖啡味，啱晒我呢啲平時唔點飲咖啡嘅人。☕️Dirty $42咖啡豆味好香，賣相都幾靚，味道都唔錯。🧇Mixed Berry Cream Croffle $68係一個牛角包窩夫，配朱古力雪糕同雜莓醬。味道唔差，但係份量太少個Croffle有啲細，個醬都係普通果醬，所覺得整體cp普通。