豐信餃子店

營業中

休息中

在附近花墟行街買花，阿仔想試吓食另類晚餐，在網上搵到此餃子專門店，見價錢唔貴，便同佢試吓。基本上晚市都幾多客，要等一陣才有位，裝修簡約，乾淨企理。有14款餃子選擇，可以跟椰子海帶鮮豬骨濃湯或煎，亦可以加麵或米線等，可能我哋來得夜，都有幾款餃子賣晒。韭菜鮮肉餃，餃子大大隻，皮薄餡料多，肉質結實，湯底感覺鮮甜濃味，唔會太鹹，可以空口飲湯。咖喱椰菜鮮肉煎餃，馬拉咖喱，唔會太辣，大約一隻辣椒辣度，肉餡仍然保持 juicy，嘢味之選。西洋菜鮮肉餃，西洋菜冇韭菜咁重味，整體感覺比較淋。芝士粟米鮮肉煎餃，呢個比較有特色，芝士味重，味道層次感豐富。滷蛋及滷水雞腎都有水準，雞腎分量充足，性價比高。