七喜粥麵小廚

營業中

休息中

喺旺角花墟附近行行下街落大雨，想搵間舖頭坐低避一避，明明條街就係有好多食肆，不過唔知點解隻腳自自然就行咗入七喜。對我嚟講七喜真係由細食到大，細個屋企附近又有佢，大個返工附近又有佢。而太子呢間舖其實都幾細，坐得有啲逼唔多舒服，不過食物種類就真係非常多，總有一款吸引到我。今日叫咗一碗豬潤生腸粥同埋豉椒牛肉炒河，唔知係咪因為已經係下午茶時間，啲粥嘅配料感覺冇平時食咁鮮味，粥底都偏淡。不過豉椒牛肉炒河就發揮水準，夠份量有鑊氣，調味都好好，總體嚟講都係食得滿足，當懷下舊都好呀。