影片
更多
2008-05-30
13 瀏覽
中學同學聚舊晚餐共三人,都唔知點解食這間,以前食過旺角,完全冇印像,只係知道係舊式西餐扒房.七點和其中一位上到去,得三四枱客,待應叔叔奉上餐牌之後的半個鐘都冇再理嗰我哋,都好我哋有我等人,你有你哋一邊吹水, 係朋友嚟之前我們各叫了一個餐,上咗湯和包,邊食邊等味道 叫咗個羊扒餐有:湯-------好味的牛尾湯麵包----餐包,熱不過不太軟有四條羊架(係四條大羊架!!)配薯菜,這個最叫人又驚又喜,肉質鬆軟,有羊羶味,大大件配燒汁,雖然係用鐵板裝,最可昔唔係有人你係面前倒汁嗰種!!!如果係就100分!飲品----檸水雪糕----朱古力味環境 雖然間嘢算新開...我估五年內,但佢專登走老舖路線,仲用綠白色格仔枱布,燈光都係黄色昏暗嗰種服務哇,這裏的服務真係重點,離晒大譜!!!!本人對服務態度都不算苟求,也不會強人所難,食你幾十蚊嘢而要你有半島的服侍咁,但係做番基本嘢都好應該.為咗等友人,我哋叫咗先,嗰呀姐都好有禮,講有乜餐湯有乜扒汁,友人到咗再order時,嗰個呀叔就錯哂.....友人同我一樣食羊扒餐,我諗個客唔記得話幾成熟,作為侍應提一提都應該, 你唔提,我提
七點和其中一位上到去,得三四枱客,待應叔叔奉上餐牌之後的半個鐘都冇再理嗰我哋,都好我哋有我等人,你有你哋一邊吹水, 係朋友嚟之前我們各叫了一個餐,上咗湯和包,邊食邊等
味道
叫咗個羊扒餐有:
湯-------好味的牛尾湯
麵包----餐包,熱不過不太軟
有四條羊架(係四條大羊架!!)配薯菜,這個最叫人又驚又喜,肉質鬆軟,有羊羶味,大大件配燒汁,雖然係用鐵板裝,最可昔唔係有人你係面前倒汁嗰種!!!如果係就100分!
飲品----檸水
雪糕----朱古力味
環境
雖然間嘢算新開...我估五年內,但佢專登走老舖路線,仲用綠白色格仔枱布,燈光都係黄色昏暗嗰種
服務
哇,這裏的服務真係重點,離晒大譜!!!!本人對服務態度都不算苟求,也不會強人所難,食你幾十蚊嘢而要你有半島的服侍咁,但係做番基本嘢都好應該.
為咗等友人,我哋叫咗先,嗰呀姐都好有禮,講有乜餐湯有乜扒汁,友人到咗再order時,嗰個呀叔就錯哂.....友人同我一樣食羊扒餐,我諗個客唔記得話幾成熟,作為侍應提一提都應該, 你唔提,我提,友人再問佢有乜湯,明明之前呀姐話有三種,佢就剩係講紅白兩種,問扒汁又係又唔見咗種,得倆種,短短十秒鐘的對答所有嘢都錯哂,我補充後,(無錯係我做補充)燥燥爆咗句"你哋個餐牌我仲熟過你!"佢就斜視一吓,好彩我都唔弱,即刻反白眼示威!!
埋單,人都未走,嗰呀叔又急急擺餐具,驚死我哋唔走....呀叔呀7点坐到你9点都末見過滿坐,使唔使咁急?
希望大家知道依d咪係害群之馬囉!!其他人好似呀姐都好有禮!!
衛生
衛生一般ok,不過不失
抵食
如果唔介意服務差d其實$75食到咁啲質素算係非常之抵食....就食物水準係強烈推介...不過服務就真係減好多分......
最後問咗撑櫃点解叫"第尾牛扒"雖然佢好有禮回答,不過有d九唔搭八佢話"試過我哋的第尾牛扒,人哋d第一牛扒你都會覺得不外如是"............其實係唔係話佢哋最差最尾的牛扒都好過其他最好味的牛扒???
張貼