大興餐廳 (第尾牛扒)

營業中

休息中

我都話不嬲食開一樣野又會繼續試同類型落去所以之後又係一條友去左太子係始創對面門口唔算顯眼呢間大興餐廳又名第尾牛扒有傳第尾呢個名係因為招牌寫住茅屋牛扒但因為太潦變左以為係第尾就咁樣叫開但太子女就話唔係既純粹係老豆玩野改成話旺角原店先係叫大興餐廳所以而家都係第尾牛扒下面加句大興餐廳等人認得而呢間太子店就話開左19年左右餐廳一樣都有卡位而中間檯仲用緊格仔檯布卡位唔算大但都唔會好似哥登堡咁壓迫乜叉都有齊今次星期日三點幾黎到係有下午茶既但想食焗飯就要跟番lunch setlunch一樣有鐵板74蚊有交易就幾抵食仲唔洗加一就真係好平民餐湯用碟上不過得個咸字特飲要加五蚊今次飲什果賓治餐廳無咩人但都等左十零分鐘先有個焗豬真係即刻焗出黎上檯都有燶面個焗飯又係超級熱唔吹幾野都入唔到口炒飯底豬扒係原塊要自己切既有骨都幾厚幾大塊無菠羅但有三色豆蕃茄都好少整體好香口但飯係偏少豬扒就正常既焗豬六十蚊特飲加五蚊係櫃檯比錢只收現金所以無加一假日輕鬆坐舒舒服服六十五蚊走人舊式扒房黎講幾抵玩又唔洗好似哥登堡咁壓迫服務都可以至少附近一定有人應lunch鐵板都抵食到四點幾走果時都開始多人不過廁所就好很污糟周地都唔知係尿定水唔

我今日lunch時段叫左個鐵板午餐好啦，黎到服務員好快叫我落單🧑🏼‍🦰：要咩 而家做午餐 抵食既 Me:咁我要一個中午限定鐵板肉眼扒餐 唔該🧑🏼‍🦰：哦 咩湯 咩汁 Me:我要白湯 蒜蓉汁 7成熟 ..但有我想要杯凍檸茶當我想話加3蚊叫野飲，佢未聽完我講野就走左去轉頭再叫佢返黎，我想叫埋野飲同埋想蒜蓉汁另上 佢就話冇得另上，set好哂喎 😅又冇餐包送 白飯意粉要另加加錢 黎到係幾大塊既 ，我知道79蚊既牛扒餐都知咩質素 ，食落口有個唔新鮮嘅怪味，好重醃肉粉味，塊牛真係好淋，基本淋到冇咩牙都食到 我又覺得未有大家所講咁好食

見大家啲評價都話呢間餐廳勁伏，點解都要去試？原本想過隔離花園餐廳，但係因為佢個餐包變咗塊餅有啲條氣唔順，同埋花園餐廳都要排隊，所以就去試吓傳說中勁伏嘅牛扒，但去到嘅時候竟然有大約10個人排隊，唔通咁多人都要去試？唔係排咗好耐10分鐘左右就入到，叫咗個神戶牛柳同埋一個肉眼扒，上枱嘅時候個樣同花園餐廳差不多諗住都穩穩陣陣。當我切咗第一嚿嘅時間令我有一啲疑惑，究竟係我味覺突然出咗問題定係發生咩事？點解冇味嘅？好？我用水沖一沖個口可能之前食咗啲濃味嘢都唔定，再切多舊，頂！成塊扒都冇味嘅，感覺好似之前中原COVID冇咗味覺嗰隻feel。成塊好似就係得一嚿不知名嘅肉，醃左梳打粉，肉係完全冇肉嘅紋理，厲害，薯條反而仲好食。另外一塊肉眼扒其實都係差不多，可以完全冇肉味其實都好難整到。真心，大家樂80幾蚊個鐵板餐，絕對好食過呢塊神戶牛柳漏咗圖中夾硬食咗一塊，剩返嗰一塊喺度，真係完全食唔落。如果大家都想去挑戰，即管去啦

已經好耐無食，經過順路就入去食，非繁忙用餐時段都要排隊大概$150左右一個餐(未連加一)，所以有啲期望餐湯餐包還可以，牛排真係好難食，似落咗好多鬆肉粉，完全無肉味，口感味道上都唔知食緊咩，好失望

食咗大約有8年，以前一路都好正常幾好食，今日之後冇下次，嗌咗雜扒，畀啲劣質粉做火腿，手掌心牛扒，味道仲要差，另外仲嗌咗個西冷，完全做唔到個脆殼，以前都唔係咁樣，令我太失望

如果想感受老香港情懷，又想用平民價享用鐵板餐，屹立香港半世紀既第尾餐廳絕對係個唔錯既選擇。餐廳氣氛正正與香港生活節奏急促如出一轍，「嗱嗱聲」係餐廳其中一大特色，由點餐到埋單前後前後大約二十分鐘。我哋二人叫咗鐵板肉眼牛扒(7成熟)🥩、鐵板西冷牛扒(5成熟)，一個飲白湯 、一個飲紅湯，隨餐各有一個餐包，食到好滿足呢！♡︎紅湯湯料有肉而且蔬菜都足，仲有啲辣辣地，味道剛剛好😗白湯有栗米粒，配埋餐包好好味。♡︎鐵板西冷牛扒(5成熟)牛扒既厚度目測超過1cm, 幾厚切牛味真係唔算重，勝在口感嫩口，仲保留到肉汁♡︎鐵板肉眼牛扒(7成熟)牛扒份量頗大，食落好嫩口好好咬!!👍🏻地點鄰近太子站旺角東站，地點方便就腳。如果要求唔太高，佢既價錢都算高CP值😛食完仲有時間可以行街~

今曰出開旺角花墟買🌹，咁啱我哋又想食鐵板，所以我哋就去咗第尾牛扒la.. 其實都嚟過好多次，久唔久就會想嚟食吓咁lor 😃 我哋一個叫咗Tbone 牛扒配薯菜配黑椒汁，一個叫咗大蝦雞扒豬扒鐵板配薯菜配蒜蓉汁。我食嗰個豬扒雞扒都好淋，正常鐵板嘅質素，個蒜蓉汁唔會太鹹，食到蒜蓉味👍🏻T bone 又係正常發揮，個汁好味😋因為偏甜。同埋個粗波浪薯條好脆，即炸，好好味😋餐湯有羅宋湯同牛尾湯揀，兩個都唔錯，同埋最鍾意係個餐飽同牛油（個人特別愛吃牛油），包埋每人一杯飲品，人均$150，性價比算高，不過如果有埋個甜品就更好😝有個女職員特別有禮貌，值得一讚❤️

今日諗住去食牛扒一坐低個員工就掉啲餐牌過嚟叫我哋快啲叫午餐 就黎完餐牌上面寫住午餐係5:00完咁我哋就諗住叫一個午餐午餐唔記得咗係咩牛扒同埋一個晚餐 神户牛柳 總共兩個餐 因為神戶牛柳係無午餐咁我落單嘅時候就同上面一個肥叔叔落單佢話叫午餐就唔可以叫晚餐 叫晚餐就唔可以叫晚餐 我話但係個餐牌唔係寫住午餐五點先完咩落單嘅時候大約4點半 跟住佢就話星期六日係早啲喎但係個餐牌寫住午餐每日到五點咁得唔得都冇所謂 佢話有就有冇就冇囉但係我哋叫到一半佢就走咗去側邊拎住啲餐具掉嚟掉去發出噪音仲要大聲話我 狗唔X搭八 不停喺度冰冰嘭嘭 唔係細細隻嗰隻係超大聲然後我就問佢經理喺邊 問佢叫咩名我要投訴佢阿叔話佢係冇名㗎 跟住問收銀經理喺邊跟住佢話呢啲嘢唔好問我 再問啲員工 佢哋全部都卸膊最後個經理先出嚟話佢係咁嘅但係個阿伯仍然係非常冇禮貌兼夾啤住我想俾錢買難受，儘管去呢間餐廳 CLS

我是看了假食評去光顧的受害者之一，本身自己每月都會去2-3次荃灣花園餐廳食牛扒的，然後看到食評聲稱此餐廳比花園餐廳更佳，不料中伏。餐廳環境超殘舊，而且很多飛蟲，滅蟲工作沒有做好，然後來說說食物，首先是檸檬茶，128的晚餐不要省那兩片檸檬好嗎？花園餐廳的檸檬茶絕對是足檸檬的，再來是餐包，見圖，僅比牛油略大一點，又細又硬，然後是牛椒汁，粉落太多超結很難搞動，羅宋湯加了蒜頭，蒜味很重，愛吃蒜頭如我也只覺一般，湯大概只喝了3分1，不吃蒜頭的絕對受不了，到最關鍵的牛扒了，我點的是4成熟，但出來的成品絕對超7成趕8成了，已經熟到一啲汁都無，乾憎憎。如果唔係因為要比128我絕對唔會食完佢。這絕對是我30多年來食過最難食的牛扒餐了，一想到自己專門從荃灣坐車過來食垃圾，頓覺悲從中來，萬念俱灰，生無可戀，然後餐廳只收現金，信用卡想儲下分都無。希望早點結業吧，賣這個價錢但食物質素如此惡劣。

呢間餐廳食咗好多年亦都係我最喜歡的一間鐵板餐首先佢環境都係懷舊風格而員工都係好有電視劇嗰種感覺懷舊平時如果平日晚都要等位㗎今次星期日下午去 好彩仲有少少位員工做事都好爽快 即刻安排到座位同餐牌仲好快問想食咩飲咩湯？就算落咗單都係好快到中午去有午餐時段，仲有下午茶時段驟眼睇啲餐都唔錯 雖然價格已經加價但係都仲係合理價錢範圍 仍然大概$70左右平均價午餐通常主要食飯多得一個是日鐵板午餐 今次係西冷牛扒大概$79 已經有忌廉湯或者羅宋湯如果晚餐餐牌食鐵板餐係抵好多所以如果想食鐵板，又平靚正就晚餐啦印象中雜扒鐵板餐都只係$120左右羅宋湯好足料 一碗湯已經有兩至三嚿蘿蔔同菜同埋佢有少少微辣，因為加左辣椒仔依度嘅鐵板餐除咗係懷舊款式之外，佢仲係熱辣辣好新鮮 勁多煙 通常依間餐廳八九成人都係食鐵板餐係超級香 佢有蒜蓉汁或者黑椒汁 呢個係蒜蓉汁唔會係好稀 調味啱啱好西冷牛扒通常七成熟 果然啱啱好 唔會好硬好軟好有牛肉味依家望返幅相都流晒口水今次新嘗試叫咗個咖喱雞扒腸仔飯本身都好擔心咖喱會好辣好出奇地佢嘅咖喱係好有濃郁咖喱味但係唔會辣食唔到辣嘅人又想食咖喱就可以選擇佢啦雞扒都係煎得啱啱好 食到肉質好嫩

🥩呢間於70年代開業嘅港式扒房，曾經傳聞其實佢叫“茅屋”，但因為招牌字體太潦草，所以先被睇成第尾。近五十年來，餐廳都冇正式澄清過以上嘅傳聞，直到近年，新一代先喺IG正式解開呢個謎團。詳情可見IG擷圖。上菜好快🤵🏻伙記有啲澳牛feel，超有效率又不失禮貌仲好細心，會專登搬張櫈畀我哋擺袋，見我哋有放西裝褸，仲主動攞塊格仔枱布畀我哋冚住件褸，呢樣真係酒店級。（不過都因為呢度地方比較淺窄，其實都係自保方法之一）好有香港精神。喜出望外，比預期中好味，我覺得係我食過同類舊港式扒房餐廳中最優。🥣紅白湯都好濃郁，白湯有粟米粒🌽唔會太杰太開粉feel。小餐包就係嘉頓交嚟嘅，室溫，牛油係獨立包裝嘅紐西蘭安佳牛油🧈。晚餐$100左右鐵板扒餐牛扒可選熟度，醬汁可選黑椒汁或蒜蓉汁。上枱時醬汁已淋在鐵板上，不過因為上菜快，上到枱依然“炸炸”聲，同樣享受到食鐵板餐最重要嘅儀式感。牛扒牛質軟冧，又唔會覺得太鬆肉粉，有肉味味道當然同貴價扒房冇得比，但兩者屬兩款完全唔同屬性嘅味道追求，真係冇得比較，食得港式扒房就唔好要求食到英式扒房嘅味道，一分錢一分貨，千其唔好期望蔗渣嘅價錢可以買到燒鵝嘅味道，咁你呢餐就會食得幾開心。留

平日，只有20%嘅入座率，十一點關門，九點嘅時候已經要催畀錢埋單,同收走檯面嘅嘢,9：30起身走嘅時候啲侍應講“終於走喇”.你冇客人,全場有八成吉枱,11點先關門,咁都要畀說話我哋聽？仲有兩成枱嘅客喺度食緊野,又唔係要做清潔,我哋起身走咗你哋都未收得工啦？

以價錢黎講都真係好抵食但環境相對比較古舊因為實在有一定歷史衛生環境可以再更好鐵板唔算正宗個隻佢本身自帶薯條餐湯份量比較少味道都幾好黑椒汁唔算突出感覺甜甜地但好開胃牛扒值得讚係唔會勁韌同好乾身咁嘅價錢值得一試

呢間係飽肚之選，但就並非靚牛扒太子原來隱藏咗一間超抵食牛扒！$114已經包埋羅宋湯或者忌廉 飲品再加大大塊牛扒！非常適合，啱啱放工超肚餓嘅人 佢可以揀蒜蓉汁或者黑椒汁！ 我就揀咗黑椒汁！賣相吸引！肉質亂但咁平嘅價錢 都明顯食得出嚿肉唔係啲靚嘅肉！ 但只求飽肚就啱晒！

最近去咗第尾牛扒食飯，話說呢間舊式西餐廳，氣氛幾熱鬧。我試咗西冷牛扒餐同紐西蘭肉眼扒，真係熱辣辣上桌，但啲肉質就……唔算好出色。食落去都係普通，肉味唔算濃，冇咩特別。不過，職員都算友善，但上菜速度快，呢個就幾加分。點咗食物之後都唔使等太耐，呢個係一個好嘅優點。至於環境，通風同衛生情況一般，因為人多，空氣有點悶，坐落去唔係好舒服。希望佢哋可以改善下，這樣食飯會開心啲。講到價錢，呢度真係幾平，如果你想食牛扒但又唔想花太多錢，呢度係一個不錯嘅選擇。不過，價錢平，質素就要有心理準備，唔好期待太高。總括來講，第尾牛扒係一個平價嘅地方，適合唔想花太多錢但想試下牛扒嘅人。如果對食物有高要求，就要考慮清楚先嚟啦！