泰聚 (已搬遷) 新店位置

情人節選了這間有好多好評的泰菜，一來就腳，二來不想每次都食西餐，所以心想應該不會中伏吧！首先男侍應，企在門口叫號碼的那位亞叔，簡直是沒有服務可言，每講完一個餸想講下一個佢都急不及待想走人，咄咄逼人好討厭，之後他的對話簡直令人咋舌我們點了以下幾樣：冬蔭公湯、炸蝦餅、黃咖哩蟹、咸魚炒椰菜苗冬蔭公湯：好味道，夠料，酸辣適宜炸蝦餅：粉多過蝦膠，唔好食咸魚炒椰菜苗：見人地推介以為好好食，所謂嘅椰菜苗只有少量，用咗好多外葉，又老又嚡最中伏亦是最貴的黃咖哩蟹：成三百幾蚊，好咸，最慘係一咬落去就知隻蟹唔新鮮，肉是嚡的，未至於是嗅蟹，因為咸到咁其實食唔出是嗅咗的，但蟹新唔新鮮騙唔到人，因為啲肉好嚡，好彩之後無痾，但三百幾蚊食啲咁嘅貨色，好無良心唯一推介又好味道的，應該係香茅薑蜜，薑味好重幾好飲。侍應生叫極都來唔到法包，到差不多要走先上枱。另外那位亞叔侍應有以下對話：（有人要取飛），你前面有8個，咁你攞唔攞吖？另：我叫咗蟹，可以上枱了，佢回應：唔只你一枱叫蟹，廚房有自然會上，追都無用😒😒😒我真心唔明那些好評是來自那裡，全部打手？定廚房質素不穩定？但請我食都不會再幫襯，食到一肚氣