芋圓圓

營業中

休息中

今日同朋友係大角嘴食完潮州菜，跟住想去食糖水，我想起近近地太子有得食，就帶隊去。芋圓圓店店主打自家製芋圓，小店由IG shop做起，到現在開左實體店係太子。主打係手工芋圓勁煙韌軟糯，店內食到嘅芋圓煮得剛剛好唔會一嚿嚿個心仲係粉，而且每碗份量剛好唔會太大碗，填好個想食糖水嘅胃就夠。桂花雪梨芋圓（熱）甜度剛好，足料豐富有啖啖桂花香。紫米露芋圓（熱）紫米夠綿有粒粒芋頭粒，推介中意食紫米露可以黎試試。喳咋芋圓（熱）多豆有料到，配芋圓煙韌軟糯好味道。店內仲有可愛嘅貓貓店長(芋頭)守候住大家，寵物有善糖水舖。芋圓圓（太子）太子柏樹街1號地舖