影片
更多
2020-10-14
417 瀏覽
雖然依家越黎越多vegan cake shop，但大部分都係得online shop，每次都要預訂同約時間拎蛋糕，唔算方便。Bien Caramélisé應該算係全港首間有實體店既vegan cake shop，位置喺太子花墟，都算幾方便。暫時都仲未有機會去佢地鋪頭參觀，因為今次既蛋糕係由朋友去pick up，有機會都想去睇下佢地鋪頭係咩樣。Bien Caramélisé主打無蛋無奶既純素法式甜品，賣相滿分。佢地用既材料都以organic為主，亦都會經本地農夫購入農作物，減少碳排放之餘都支持本地小店，值得讚賞。法式千層酥(Mille-Feuille)有兩種口味，我地試既係焦糖榛子。千層酥都有唔同size揀，可以買單件或多人份。本來以為買多人份切果陣會切醉哂，但估唔到個酥皮酥脆到一個程度係可以用刀輕輕切開而唔破個結構，啲cream同酥皮都能保留原型，實在好驚喜。我地依個係18 cm x 18 cm既6-8人份量，但其實比10人食都綽綽有餘，因為份量真係好大。焦糖榛子奶油霜係有少少企身，好似食緊mousse cake咁，味道好香濃，比起一般non-vegan option有過之而無不及。我
Bien Caramélisé主打無蛋無奶既純素法式甜品，賣相滿分。佢地用既材料都以organic為主，亦都會經本地農夫購入農作物，減少碳排放之餘都支持本地小店，值得讚賞。
法式千層酥(Mille-Feuille)有兩種口味，我地試既係焦糖榛子。千層酥都有唔同size揀，可以買單件或多人份。本來以為買多人份切果陣會切醉哂，但估唔到個酥皮酥脆到一個程度係可以用刀輕輕切開而唔破個結構，啲cream同酥皮都能保留原型，實在好驚喜。我地依個係18 cm x 18 cm既6-8人份量，但其實比10人食都綽綽有餘，因為份量真係好大。焦糖榛子奶油霜係有少少企身，好似食緊mousse cake咁，味道好香濃，比起一般non-vegan option有過之而無不及。
我地仲order左閃電泡芙(Eclair)同巴黎芙輪(Paris Brest)，兩種甜品都係無麩質(gluten-free)，對麩質過敏既人黎講絕對係個好消息。因為食完個千層酥已經好飽，所以只係淺嚐左少少。雖然係gluten-free，但食落又唔會覺得同平時既泡芙有咩分別，如果唔係食飽左一定會試哂四款。
除左以上幾款甜品，佢地都仲有其他款式，包括我最愛既水果撻，好期待下次試埋餘下款式。
張貼
