影片
更多
2015-10-18
1176 瀏覽
點咗兩份午餐，先嚟餐湯，薯仔忌廉湯。用全不銹鋼煲仔上枱，少女侍應放底時提示小心煲熱。但佢放底嗰位又唔啱，又冇底碟、煲墊。個煲咁熱，要自己移啱位好狼狽！主菜係海鮮意粉同牛柳。海鮮意粉畀刀义，食到中途先攞隻匙過嚟。牛柳冇主動畀芥末醬，但之後隔離枱同樣叫牛柳又有主動畀喎，但又係中途先畀人哋。食物方面，好一般，近乎差。薯仔湯冇薯仔味，亦冇薯仔質地，唔講我仲以為係普通忌廉湯。而且份量極少，唔係一般expect嘅份量。我又唔覺得佢去到fine dining嘅級數，重質唔重量。伴湯嘅麫包條，只有烘過，冇之前呢度啲人影咁有味料。牛柳算係最OK嗰樣。但伴碟嘅薯仔我覺得似烚煮再加焦個面。伴碟嘅沙律完全冇dressing，一啲都唔符合呢間餐廳想做嘅風格/級數。最差係海鮮意粉，收一百二十幾蚊，餐湯嗰度已經慳唔少㗎啦，海鮮都咁慳！得兩隻蝦，一舊魷魚，三塊細過手指公嘅薄切三文魚，仲要腥嘅！最得意係，埋單時個少女問覺得啲嘢食如何。我見佢都係十吓十吓又唔係話得事，所以都唔想答佢，只係微笑咗一吓。點知佢再問，咁我唯有話「一般啦！」點知攞番張單番嚟嘅時候換咗另一位男士攞嚟。呢位男士，由我哋一入嚟嗰刻開始，一直大部份時間都
主菜係海鮮意粉同牛柳。海鮮意粉畀刀义，食到中途先攞隻匙過嚟。牛柳冇主動畀芥末醬，但之後隔離枱同樣叫牛柳又有主動畀喎，但又係中途先畀人哋。
食物方面，好一般，近乎差。薯仔湯冇薯仔味，亦冇薯仔質地，唔講我仲以為係普通忌廉湯。而且份量極少，唔係一般expect嘅份量。我又唔覺得佢去到fine dining嘅級數，重質唔重量。伴湯嘅麫包條，只有烘過，冇之前呢度啲人影咁有味料。
牛柳算係最OK嗰樣。但伴碟嘅薯仔我覺得似烚煮再加焦個面。伴碟嘅沙律完全冇dressing，一啲都唔符合呢間餐廳想做嘅風格/級數。
最差係海鮮意粉，收一百二十幾蚊，餐湯嗰度已經慳唔少㗎啦，海鮮都咁慳！得兩隻蝦，一舊魷魚，三塊細過手指公嘅薄切三文魚，仲要腥嘅！
最得意係，埋單時個少女問覺得啲嘢食如何。我見佢都係十吓十吓又唔係話得事，所以都唔想答佢，只係微笑咗一吓。點知佢再問，咁我唯有話「一般啦！」點知攞番張單番嚟嘅時候換咗另一位男士攞嚟。呢位男士，由我哋一入嚟嗰刻開始，一直大部份時間都同另一張枱嘅女士傾計。佢再問我哋覺得啲食物如何，我都係答佢「一般啦！」因為佢又冇得罪我啲咩，我唔係咁習慣直接踩人。諗住一句一般可以過骨，點知佢好似好愕然我竟然唔讚佢咁喎。咁我諗咗一陣，唯有答佢Seafood linguine冇乜seafood。我以為咁答都唔算直接話啲嘢食味道差，我都仲未講啲麫做唔到Al dente，個汁太傑似茶餐廳，連cafe水準都未到。但佢聽到我話冇乜seafood，又好愕然咁喎！其實有幾多粒海鮮數得出啦！你用咗幾多樣海鮮，用咗咩質素嘅食材，你自己心裡有數啦！唔讚你好出奇咩？你問人意見，但連咁輕柔嘅評價你都接受唔到，你就唔好問啦！全程同一位食客傾計，不如將啲時間放喺廚房或者教熟啲個侍應少女啦！其實佢係咪覺得自己做緊fine dining呢？但我認為，以佢當日嘅服務、食品嚟講，只係一間收得太貴嘅cafe。真心覺得佢嘥咗個舖位。
張貼