泰軒美食 (已結業)

喺太安樓兜左一圈都諗唔到食咩好，就隨便入左間街坊舊式泰國餐廳食晚飯。泰式海南雞飯 $46 (+$7 轉雞脾)雞件幾滑唔鞋口，不過本身就無咩味，要靠跟餐嘅醬汁提味。飯有少少蒜香，食落唔太油。泰式炒金邊粉 $46金邊粉炒得有鑊氣，落左櫻花蝦去炒所以帶些微咸香，不過整體味道偏淡，醬汁嘅酸甜味如果可以再濃一啲會更加好食。 冬陰功湯 (跟餐加$14)雖然餐牌寫住一人份量，但上枱覺得份量比想像中少，唔太值$14蚊。 冬陰功湯唔辣，酸味比較重，入面有隻細蝦，食落都算鮮甜。椰汁冰(跟餐加$6)味道就喺平時飲開嘅罐裝椰汁味再加碎冰，不過不失。街坊價錢無期望咁多，純粹打算醫飽個肚，味道好一般。