越式小廚

營業中

休息中

一碗pho加杯嘢飲就要150蚊，旺角女人街收呢個價，味道唔出眾只可以話不過不失，但88蚊一碗pho真係太貴，仲要啲牛肉又碎又少。搞到依家係香港食飯好似係比人搵笨咁，香港依家呢個經濟仲要做呢種生意，真係覺得執都唔可以怪人。另外杯所謂特色嘢飲，真係唔覺有幾特色，但都要20幾蚊一杯，飲兩啖就冇，用高腳杯嘅份量已經少，仲要咁多冰，間鋪頭係覺得啲食客易呃定蠢。如果想試吓食完覺得唔抵嘅感受係完全可以試呢間，味道唔出眾，份量唔大，但價錢太貴，分分鐘我係港島食仲平過。