嚐味喇沙 (已結業)

我地要咗喇沙扎肉麵、海南雞飯、酸辣豬手同椰子雞湯。喇沙湯麵唔好味，好似開湯粉咁。扎肉無味，豆卜有雪藏味。海南雞飯啲雞好老，咬到嘴都攰。豬手食得出係翻叮，無論係豬手定嗰汁又唔夠味。負責叫號嗰阿姐好嘈，佢放緊飯都大大聲講嘢，由舖頭叫到舖尾，咁啱我坐正係佢隔離嗰枱，耳仔痛。呢間野整體感覺似茶餐廳，所謂「招牌」都做唔好。同我同枱嘅人都係叫日式拉麵，食完我知點解。雖然係今時今日算平，但我都好肯定，唔會再幫襯。