鴻星中菜 (MOKO新世紀廣場)

營業中

休息中

酒樓，始終仲有生存空間，如果唔係難食到回吐，始終唔多限時坐位闊落方便吹水依然係有回頭客。九十年代去鴻星用餐係有感去高檔次嘅酒樓，點心亦明顯比坊間酒樓造型精美具創意。日復日，當其他酒樓啲食品價位都起勢飆時，反而拉近咗同鴻星嘅距離。相對係侍應態度始終比一般酒樓殷勤，起碼啲夥計講嘢斯文啲。望住假期嘅餐單都係選擇困難，手指一篤都係指向套餐。$328兩位用都夠3位食。「脆皮燒肉拼蜜汁叉燒」叉燒俾瘦叉，覺得麻麻，而且厚切唔啱瘦叉，變相又硬又嚡口；燒肉就每舊都脆皮，肥瘦每層相間。預咗「鮮果咕嚕肉」都冇幾多間真正整到酸甜有緻、外脆內軟、肥瘦有道，呢碟亦流於平庸，酸味佔咗最大篇幅，肉質略瘦唔得豐腴。「四季豆牛柳粒」都似用包裝雪藏一口牛，不過好多舊都最少兩口先咬得哂。搜尋一下，原來執剩呢間同觀塘分店，不禁感覺無奈要隨波逐流。