影片
更多
2010-11-20
202 瀏覽
9月12日, 緊接住我嘅生日, 就係我嘅農歷生日~ 今晚同家人去食pizza hut, 就近喺石塘咀就有一間~ 星期日晚人流唔多, 不過一坐低就聽到個電話不停響, 原來有好多人叫外賣, 唔怪之得堂食冇乜人啦~::: 信用咭扭扭批4人套餐 ::: $418咁啱用開嘅信用咭做緊promotion, 有個平平地又多野食嘅扭扭批套餐~ 一路都未食過扭扭批, 今次試下先~::: 餐湯 :::我就要咗白湯, 有少許雞肉加蘑菇, 依舊濃郁, 飲咗都已經少少頂肚~::: 雙重芝士扭扭批 :::唔好以為因為主角係扭扭批就寫佢先, 呢個其實係佢嘅出菜次序~ 一個咁大嘅pizza竟然最早上, 而前菜小食都未上, 嚟到我地都嚇一跳, 以為唔係我地嘅… 算喇, 咁就食咗pizza先. 呢個雙重芝士扭扭批係冇料揀, 所以佢用嘅料都預咗係普通貨色, 有火腿, 蝦, 辣肉腸同菠蘿… 要講以外圍做特色嘅扭扭批, 一粒一粒圓圓地嘅麵包可以扭出嚟, 梅花間竹地以腸仔同芝士做餡~ 特別係特別, 不過食落完全冇驚喜…腸仔餡嘅麵包粒十足十麵包舖買到嘅腸仔包, 芝士餡嘅亦比較漏, 味道亦唔夠突出… 而雙重芝士中嘅第二重竟然都只係
::: 信用咭扭扭批4人套餐 ::: $418
咁啱用開嘅信用咭做緊promotion, 有個平平地又多野食嘅扭扭批套餐~ 一路都未食過扭扭批, 今次試下先~
::: 餐湯 :::
我就要咗白湯, 有少許雞肉加蘑菇, 依舊濃郁, 飲咗都已經少少頂肚~
::: 雙重芝士扭扭批 :::
唔好以為因為主角係扭扭批就寫佢先, 呢個其實係佢嘅出菜次序~ 一個咁大嘅pizza竟然最早上, 而前菜小食都未上, 嚟到我地都嚇一跳, 以為唔係我地嘅… 算喇, 咁就食咗pizza先. 呢個雙重芝士扭扭批係冇料揀, 所以佢用嘅料都預咗係普通貨色, 有火腿, 蝦, 辣肉腸同菠蘿… 要講以外圍做特色嘅扭扭批, 一粒一粒圓圓地嘅麵包可以扭出嚟, 梅花間竹地以腸仔同芝士做餡~ 特別係特別, 不過食落完全冇驚喜…腸仔餡嘅麵包粒十足十麵包舖買到嘅腸仔包, 芝士餡嘅亦比較漏, 味道亦唔夠突出… 而雙重芝士中嘅第二重竟然都只係加多一兜芝士醬, 有名無實, 不如加多十款芝士叫”十全十美芝士扭扭批”啦, 差勁… 而一寸多嘅麵包粒外圍令到本身個pizza細咗, 反而失去了pizza hut傳統pizza嘅風味…
::: 香蒜肉絲意粉 :::
呢個pizza hut嘅招牌菜之一, 經歷多年味道仲係咁正! 但係越嚟越細兜, 同埋冇咗蒜蓉包送…
::: 焗肉醬意粉 :::
焗肉醬意粉嘅特色之一係意粉都焗到卜卜脆~ 少少燶仲夠晒香! 但係今次個茄汁有少少過酸…
::: 炒蘑菇配法包 :::
嚟晒pizza, 意粉之後, 小食先至上… 已經食到飽飽地, 好彩呢類小食以少份量出名… 4塊超市都買到嘅法包仔, 有脆但冇麵粉味, 似擺咗好耐再番烘咁…炒蘑菇有少少蒜蓉牛油香, 仲有洋蔥吊味, 味道叫做ok~
::: 小食拼盤 :::
最遲嚟嘅係呢個小食拼盤… 洋蔥圈炸到黑麻麻, 炸芝士賣相差, 炸薯條同炸雞都普普通通, 只係夠晒香口, 但係食到飽咗, 已經唔太想食…
::: 汽水任飲 :::
最後不得不提呢個有gimmick, 冇service嘅汽水任飲! 其實一杯咪好地地, 都夠飲啦, 而家扮晒高級咁俾人任添, 就出晒事… 叫一次添飲, 等足3個字, 其實攞一jar出嚟倒就得啦… 但又要再落order入廚房叫多一杯飲品, 咁自然地就慢咗啦! 多此一舉, 寧願冇呢個service!
呢間pizza hut出菜嘅服務真係要改善, 同埋以後有任飲都係預咗飲一杯好喇…
張貼
