發記甜品 (已結業)

我一向都係發記既Fans，而榴槤又係我既至愛！從前食發記，一定要走到入深井先有！佢地既榴槤pancake同榴槤飄飄真係令我一試難忘！而家旺角與銅鑼灣分別都有分店，唔使入到老店咁遠，但味道又如何呢？可知人怕出名豬怕肥，好多都係出咗名之後出事既，適逢經過旺角，於是入去一試！本來想叫返至愛既榴槤飄飄，不過見到佢有兩款榴槤新製，於是轉軚試新野！等咗幾分鐘，榴槤蘇終於都炸起！一聞，有ｄ唔妥！唔香之餘仲要有陣怪味！食落口，原來係層蘇皮出事！蘇皮似乎落蘇油落得太過火，然後再撞埋榴槤，令成個甜品變苦，確實係失敗之作！相返個榴槤糯米糍卻出乎我意料，糯米皮做得柔軟煙靱，配合埋新鮮榴槤又的確係幾清新既一個配搭，而且賣相都討好，可以一試架！