The Pantry (已結業)

平日夜晚elements人流真係較少完全唔使book位直入呢度用平板電腦落order幾方便又有圖參考頭盤叫左個輕煎三文魚三文魚有芝麻鋪面再煎香表面，形成半生熟，好香又有口感，但三文魚唔算好新鮮，蛋黃醬亦冇乜味，整體一般。主菜有墨汁意粉，比較失望的一度菜，整個味道被番茄莎莎覆蓋哂，完全食唔出墨汁味，只有番茄酸味，再加哂啲cream sauce完全唔夾。Rib-eye 好多肚膏，真正的肉唔太多，個洋蔥汁調得幾好味，薯角亦新鮮炸出好香口，但主角rib-eye就一般，煎得香但生熟好唔一致，有啲過生有啲過熟，而且$298的價錢真係偏貴，質素亦唔乎合。整餐飯都係為左個甜品，好彩經過失望的主食，甜品係有質素。梳乎厘pancake而家周圍都係，呢間的份量應該係數一數二大份，有3塊勁厚的pancake，蛋味濃郁，加上糖漿入口即溶，好似棉花糖一樣，好好味，好滿足！我認為soufflé pancake控可以黎試一試，不過淨係食甜品得啦，主食可以去其他地方。