得龍大飯店 (已搬遷) 新店位置

兩丁友第一次幫襯,時間約夜晚21:40入座,可能時間夜或假期闗係,想點的魚肚,豬手全都賣晒! 叫咗以下幾個餸:1)頭抽蝦(全名唔記得);嘩!全碟只得9隻,蝦一咬落去仲要霉既,一d都唔彈牙,極唔新鮮!盛惠$128! 2)燒茄子:普通,略嫌油太多太肥膩; 3)砵酒焗蠔: 共有6隻, 很一般, 盛惠$208, 以為自己去咗福臨門食4)咕嚕肉:叫呢個最易試到佢真章,一個字肥,勁多油,冇酸甜既香味,上環街市大排檔同佢直情冇得比 食品質素欠誠意, 普通街邊檔都好過佢! 服務方面,幾位侍應姐姐一開波不停催落單,仲sell佢地所謂既唔知咩茶燻太爺雞,要三舊幾一隻,...我地想點d普通d既雞,佢態度極惡劣話:「叫你地叫曾通燒味切雞囉!」22:15熄冷氣(營業時間23:30闗門),仲有幾台客都未走,並遞上單要找數,最興係比信用咭佢,佢d態度完全唔稀罕,冇禮貌地將原子筆掟在枱上!!!全單合共$629, 簡直比錢買難受! 好難想像佢可以曾經拎米芝蓮獎項咁既價錢同食物質素,加上惡劣既服務態度,唔駛錢我都唔會再去!!!!!