一樂小鍋 (已結業)

因為大圍區粥底火鍋選擇不算多，決定到石門搞完身分證之後就去附近食粥底火鍋。之後食過兩次，火鍋料係唔錯服務態度都ok，點知今次就中伏。食到最尾，個湯底係出現左啲苦澀味，我地以為煲燶左啦，但了極都冇野痴底呀，因為驚會影響到食粥，所以就同店員講個湯底出現咗咁既問題，可唔可以換一換另一個湯底俾我地，佢就話會冇左啲海鮮味，我地都話唔緊要起碼食到入口先呀，佢話可能啲蘿蔔唔靚所以煲煲下就會出苦味，話照落粥話同我地試下，我地都黑人問號，個湯底苦落左粥唔會冇啦啦變到冇事嫁。好啦，既然專業人士咁講唯有試下啦，但真係好苦澀，食唔落口，好似用涼茶煲粥咁，冇人入到口，浪費哂啲粥。雖然個炸魚皮同其他海鮮都真係好好食，但今次真係差小小,，靈魂粥底出哂事，以前真係好好多，我諗呢次真係最後一次嚟呢度。