影片
更多
2012-11-23
10 瀏覽
各位好, 今次係我第一次寫食評, 未必寫得好好, 請多多包涵！(對不起, 惠顧時沒有拍照作參考)今晚約左朋友仔係荃灣食飯, 大家都比較鐘意食日本野, 所以事前都係Openrice 度睇過大概食評, 才出發.book 左晚上8點半 (2位). 我地早到左10分鐘, 門口帶位員一直冇影, 所以我地主動地掀門簾伸頭入內問服務員, 見2位服務員加埋個經理問左好耐先知道要帶位. 當時店內只有4枱客人, 分別安排坐於店內不同既角落. 而我地就入坐於店內最中間貼牆既4人枱, 可以環顧晒店內大部份位置.坐低後, 服務員好快咁遞上餐牌, 起初覺得佢服務都ok.我地好快咁叫左4樣野食, 沒有另點飲品.1. 吉列香草蝦 $38食物熱烘烘上菜, 味道都ok, 但份量很少, 對於HKD $ 38一份3只來說, 價錢較貴, 如增添多一只, 價錢較為合理. )2. 金菇肥牛卷 $384只, 從中間攔腰橫切成8件, 但賣相十分不吸引, 如果每件卷都可以包裝成有金菇露出來, 賣相較佳及容易入口.牛肉及醬汁味道還可以, 但金菇需要較多時間嘴嚼. 3. 海鮮炒手打烏冬 $52份量足夠2人食用, 大概可分成每人2小碗, 味道
今晚約左朋友仔係荃灣食飯, 大家都比較鐘意食日本野, 所以事前都係Openrice 度睇過大概食評, 才出發.
book 左晚上8點半 (2位). 我地早到左10分鐘, 門口帶位員一直冇影, 所以我地主動地掀門簾伸頭入內問服務員, 見2位服務員加埋個經理問左好耐先知道要帶位. 當時店內只有4枱客人, 分別安排坐於店內不同既角落. 而我地就入坐於店內最中間貼牆既4人枱, 可以環顧晒店內大部份位置.
坐低後, 服務員好快咁遞上餐牌, 起初覺得佢服務都ok.
我地好快咁叫左4樣野食, 沒有另點飲品.
1. 吉列香草蝦 $38
食物熱烘烘上菜, 味道都ok, 但份量很少, 對於HKD $ 38一份3只來說, 價錢較貴, 如增添多一只, 價錢較為合理. )
2. 金菇肥牛卷 $38
4只, 從中間攔腰橫切成8件, 但賣相十分不吸引, 如果每件卷都可以包裝成有金菇露出來, 賣相較佳及容易入口.
牛肉及醬汁味道還可以, 但金菇需要較多時間嘴嚼.
3. 海鮮炒手打烏冬 $52
份量足夠2人食用, 大概可分成每人2小碗, 味道欠缺層次, 不論是吃哪一種主菜食材, 整碗烏冬都是同一個味道,
有原隻蝦(蝦殼需自行處理, 很不方便), 青口, 小柱, 紅青兩椒相伴, 海鮮份量一般.
4. 海鮮蕃茄鍋 $60
我地兩個都好後悔點左呢個鍋, 應該只會係極度肚餓, 而又冇得揀既情況下, 先會食. 食物品質簡直係差都極點！
因為張枱位置有限, 呢個鍋放左係我地隔離張吉枱度大火烹調, 個鍋係冇得調較火既大小, 火勢大到我地根本沒充辦法控制及用筷子夾食, 火焰一直在煲邊燃燒, 如果唔係個服務員見到有危險, 過黎幫手, 我地都唔知點算
雖然見個鍋煮完, 有晒白煙出, 但內裡溫度亦只是微溫.
- 原隻蝦 3 只 ((蝦殼需自行處理)
- 蕃茄 (no comment)
- 青口 ("聲", 不好吃)
- 冬菇 (沒有事前浸水處理便煮的味道, 不好吃)
- 魷魚圈 (沒有味道, 質感有如咬橡膠)
- 菜, 沒有味道, 如同白開水灼一樣
- 蕃茄湯底, 只有其色, 沒有其味 (原來呢個係招牌菜, 但都煮成咁, 好失望呀!! )
份量係大, 但味道實在太差, 我地最終都放棄左大半煲.
5. 胡麻冷豆腐 (免費送既,見用餐優惠, 但需收原價加一服務費 $34 x 10% = $3.4)
數量一份小型豆腐, 約4 cm x 3 cm x 3 cm大, 一件裝. 個胡麻汁味道帶點奇怪, 不算好吃. 試過便算, 沒試亦不是甚麼損失.
服務員有點人手不足, 但更大既問題是培訓不足, 8點半晚市應該是忙碌既時間, 而客人只有4枱, 但要加茶時, 多次沒有人回應, 而於品嘗食物後, 又沒有人收拾碟子. 根本不值得給予加一服務費.
]整體來說, 石燒日本料理可以進步既空間好大！
短時間內, 我不建議朋友試食, 自己亦暫時不會再去.
可取處, 座位尚算舒適, 休息、吹水都不失為一個選擇.
題外話/補充資料：
順帶一提, 係我地用餐時, 有walk-in 顧客見門口沒有帶位員, 便直入到店內問有冇6大2小既座位？服務員竟然同個客講要等, 因為而家未有位. 叫佢等等. 但當期時, 新顧客同我地都眼見入座率只有三成, 四周都是吉枱. 可能係服務員之前安排了顧客入座於不同角落, 如非叫客人調枱, 否則都唔會坐得落8個人. 對比, 出面好多食肆, 就會好靈活咁整理出座位, 提高入座率同銷售利潤.
對於食肆來說, 除了需要改善食物既味道、服務員既培訓外, 還需要改善店內既行政管理, 靈活運用店內既座位編排.
眼見服務員整晚行來行去, 好似好忙咁, 但食客高峰期只有11位同時出現, 都攪到咁呢hea, 又真係好難處理到完全滿座既情況.
(以上食評乃用戶個人意見 , 並不代表OpenRice之觀點。)
張貼