極上龍吟海鮮丼專門店 (已結業)

晚上途經旺角想食日本野，就睇吓附近有冇啲日本餐廳，最後就揀咗呢間餐廳喇。叫左三文魚赤蝦丼、燒牛脷、鵝肝壽司、蟹膏軍艦同燒玉子。第一道菜燒玉子上枱時，就心知不妙，個賣相同份量真係嚇死我，得三少舊之剩味道同我係街出面買果 d 急凍燒玉子返黎自己整既一樣。見到燒牛脷我以為自己去左食西餐，本身想叫普通燒牛脷但果晚個侍應同我講得返厚切，咁無計啦只好叫厚切。上枱果時果三粒野盛惠 39 蚊，我都有點驚訝，何來係厚切。。。。。。加上什麼調味料都冇。鵝肝壽司係我一次食會覺得唔好食，好乾身而且無汁，食落口真係食吳出係鵝肝，可想以知餐廳入左 d 咩質素既貨。最後是三文魚赤蝦丼，三文魚同赤蝦丼都唔新鮮，赤蝦食落好似有啲就變壞嘅味道，連啲刺身仲可以衰過啲大型外賣壽司連鎖店。總括黎講，我都知做飲食業一定要賺錢，但餐廳收得咁嘅價錢，起碼都俾返小小誠意同好少少嘅食物質素比客人，用啲次等貨同無誠意既手法但收貴價貨錢有啲唔合理。希望餐廳會改善。。。。。。有得比零分我真係會比零分。