漢陽苑韓國料理 (已結業)

同朋友想去食自助餐，去到南洋酒店原來已經冇做Buffet，利景酒店又多數係海鮮，唔係太岩食，於是去第二度。行行吓去到銅鑼灣附近，見到呢度有任食韓燒，都算係自助餐啦！就走入去。侍應服務好差，給我的感覺係你俾得咁少錢就唔好預會有ｄ咩service。咁都算啦，食自助餐咪自己出去攞。點知食物就更令人失望。肉類款式算多，但質素欠佳，大部份都是霉霉的。有魚和蝦，不過都唔新鮮同埋ｄ蝦好細隻。唯有食ｄ芝士腸呀，蟹柳之類既包裝貨，但都一陣雪味，認真一般。生野唔掂食ｄ熟食啦，點知仲衰！拿幾件薯餅，全部散晒，想放落去燒一燒都唔得。雜菜同樣係溶溶爛爛。再試試ｄ壽司，又實又硬，一陣雪味。其餘食物也不敢恭維。其實都冇咩胃口食佢既甜品，不過都勉強去拿碗豆腐花食。果然，又係亳無豆腐味，我成碗放低唔食。咁既質素都要成＄１２３／位，俾唔到理由我再去幫襯。