鳴虎 (已搬遷) 新店位置

放假訓到好晏起身，一個人落街揾野食，突然好想食拉麵，呢到環境寬敞，一點都唔逼，坐得幾舒服。我叫左個鳴虎拉麵套餐，好抵食。拉麵有唔同口味可以選擇，我揀左鳴虎拉麵，佢係日本魚乾豬骨湯，奶白色嘅魚湯鮮甜美味，味道濃郁，拉麵爽口彈牙，豚肉肥瘦均勻，溏心蛋蛋味香濃。鰹魚汁菠菜菠菜幼嫩多汁，鰹魚汁香甜。飲品我揀左芬達，有自家製菊花茶可以選擇另外叫套餐可以加$18有一選小食，我就揀左芝麻手羽，炸到外面脆卜卜，咬開好多汁，雞肉嫩滑。