牛繁 (海之戀商場)

營業中

休息中

Set A 牛繁超值2人套餐（$568）蔥燒中落牛肋肉（60g），粒粒骰仔肉，有肉味。蔥燒骨間牛肋肉（60g），厚片，有啲韌，少肉味。上級和牛腹肉（100g），少韌，冇咩牛味。特上牛胸腹肉（100g），嫩，但牛味唔重。薄切肩胛片 配 月見汁（100g），快燒數秒，嫩，有肉味，點埋蛋汁更滑。櫻姬雞頸肉（100g），第一次食呢個部份，幾好食，口感唔錯，有咬口得嚟又夠嫩滑，而且有丁丁爽口。豬五花（100g），味道正常。和風菠菜，味道正常。和風銀芽，味道正常。生菜配泡菜、味噌醬、蒜片，味道正常。元氣捲心菜，有炸蒜片，煙肉碎，食兩三塊肉清清口唔錯。牛繁和風伴飯（+$45），有芽菜、菠菜、山菜、紅蘿蔔絲、肉碎、紫菜絲，夠飽肚。內藏盛盒（$198）（180g）牛胃，爽口；牛小腸、牛大腸，分唔到，只可以當大舊啲嘅係大腸，細啲碎啲嘅係小腸。真心覺得唔係好值呢個價，但好懷念之前係日本食過嘅內藏燒肉，所以即管叫嚟試下，但一定冇下次。SAPPORO 啤酒（$48）食燒肉當然要飲啤酒啦。