目利きの銀次Royal Grill (已結業)

係商場附近行咗陣街，又累又肚餓之下，經過依間餐廳，見食物都吾錯就攞咗位先。侍應態度都幾好, 好快安排咗位同拎咗個menu俾我地, 見個二人餐幾抵又多野食，又吾洗諗之下就拿拿聲叫咗。個set,一共有五道菜,包特飲。刺身熟食一般好有效率，叫咗冇耐，食物就黎到, 環境都幾舒服，張枱又夠大,食物吾洗放到甘逼， 刺身味道都算新鮮，相比起其他平價放題, 特飲的款色比起出面都有自己特色, 又吾會太甜，可以一試。總結刺身同飲品都好好, 行街睇戲,順便食飯位置都好方便，就係扶手電梯隔離。