石之牛石板日式料理 (已結業)

去完玩具街買野，行下行下，經過呢間「石之牛石板日本料理」，見佢可以叫唔同套餐，牛小排、肉眼牛扒、黑草羊架、香煎雞扒……花款多，係塊石板上面燒下燒下，於是決定入嚟試一試，食完非常滿足😋😋入嚟首先要做，就係喺自助售賣機，買自己想要嘅食物，因為今日好想食牛，於是就叫個西冷牛扒($120)。🐮🐮石板牛上檯前，可以先到自助吧做好用餐前準備：包括裝湯、裝飯，兩樣都係任食，所以成個套餐真係好抵！佢個湯有牛肉烹調，配合洋蔥蔬菜，唔係求求其其，亦有味之素幫個白飯調味，配埋主食就可以好開胃😋😋之後個主食都好快上到枱面。由於佢係原塊石板上檯，你鍾意啲西冷牛扒整幾耐就幾耐，全部都係因自己話事，所以先話成塊石板上檯燒下燒下好滿足！😍😍而且主食份量多，西冷牛肉有豐富的肉汁，亦具咬口，配上餐廳自製的蒜蓉汁同黑椒汁，認真無得彈🥹🥹石之牛石板日式料理地址：深水埗元州街153號新元州大廈地舖