Domon 札幌拉麵 (已結業)

放工約左細妹妹夫到愉城搵食, 天氣冷, 好想食熱辣辣的東東, 於是走左入去久違了的札幌拉麵!大家都好肚餓, 所以叫左好多野食......先黎個一人餐! 前菜選了三文魚, 但不算好新鮮!有9吋長的虎蝦, 都爽口, 但蝦味不算濃!仲有一個拉麵同飲品, 當然選我地最鐘意食的豬軟骨拉麵啦!二人餐, 我地叫左吉列豬扒飯, 但味道麻麻, 食剩大半個!韓式辣拉麵, 覺得偏油了些, 味道OK!3個小食則叫了雞泡魚干, 呢個係我地最愛, 次次黎到都要食!明太子釀雞翼, 今次整得幾好喎, 炸得剛剛好, 香口得黎饀也沒乾!炸蠔都幾好, 雖然細粒D, 但不太油....仲心癢癢想試多幾款小食, 原來有呢個套餐, 就黎3客!酥炸墨魚嘴, 推介, 夠惹味, 又唔會好似雞軟骨咁硬, 超鐘意呀!和風牛舌, 好像牛舌薄了點...炭燒豬頸肉, 呢個唔錯喎...但串燒好似少左D唔多抵, 都係墨魚嘴抵食好多!黎到唔食過餃子又點得呢? 呢個keep到以往水準. 食到大家抱住個肚走........其實呢度單食都偏貴, 套餐較抵.因為愉城這邊的食肆沒荃灣市中心的那麼多人, 且這裡的服務殷勤得黎唔會覺得騷擾,可以舒舒服服唔駛迫唔駛趕