Zakka (已結業)

咁啱去左奧海城，又想食下日式料理。行到三期見地下有間幾多人食既日式食店，就落左去試下。店入面都幾多位，係去收銀買完飛，然後有專人送菜既形式。Dinner既選擇ok多，價錢以呢區黎講唔算特別平。我叫左炸雞件、日式咖喱蛋包飯，紫薯latte同埋加左薯條。MenuMenu食物合照炸雞望落好乾，但係食落又完全唔同，外皮脆身，肉質ok唔會太乾。蛋都幾滑，飯既份量都幾多。上面仲有d芝士，好香。咖喱汁略嫌唔夠多，唔夠我撈飯食但係咖喱味都ok，正常既日式咖喱，少少甜，唔會太辣。薯條係粗身果種，好新鮮好熱，脆少少會好味d。紫薯latte都唔錯，飲到d紫薯蓉，都幾香幾好飲。整體黎講，店內環境唔錯幾好坐。不過近門口既話可能會比較大風，冬天黎既話要注意一下。店員幾有禮貌，野食質素都唔錯。不失為奧海城一個日式野食既選擇。