影片
更多
2020-11-18
75 瀏覽
放工同屋企人到奧海城買野，就順便係個頭食埋餐晚飯，我見有間泰國餐廳望落都唔錯，有D泰國嘅特色，就坐低試下。我去個陣，人流唔太多，店面好闊落，有室內又有露天台，坐係出面吹住風咁食應該都舒服下，可惜我個日有小小感冒唔想吹風就坐咗入室內。點解話呢度有泰國特色，就係因為墻上好多泰國嘅掛飾，而且呢度店員好多都有泰國血統，服務態度都好唔錯，好好客，會介紹下有咩正。只可惜我個胃又裝唔曬，叫order咗杯椰汁沙冰，芒果蟹肉炒飯同冬陰功烏頭。😀😀😀杯椰汁沙冰甜甜地，冰都打碎得好幼細，飲落都好舒服，冰冰涼涼。跟住就到個芒果蟹肉炒飯，呢個炒飯都唔錯，可能因為有芒果，炒飯唔會話好乾，蟹肉帶海水味嘅鮮甜味其實同芒果嘅果甜味有個對比，一啖無芒果肉嘅炒飯，感覺好香，有鹹香嘅味道，一啖有芒果肉嘅炒飯嘅味道又會係另一回事，可以話芒果嘅香甜味好突出，好開胃，但最尾又會品嘗到淡淡嘅海水味，算係幾有層次，未等烏頭上黎，我都忍唔住食曬，所以可想言之呢個炒飯都幾得。😆😆😆😆最後就係烏頭，個烏頭係用明爐上，冬陰功湯浸住，下面有蠟燭熱住食。我一黎就梗係先試冬陰功湯，非常好飲，香料夠足而且湯底夠濃，口感醇厚，先飲兩小碗。烏頭真係幾好食
我去個陣，人流唔太多，店面好闊落，有室內又有露天台，坐係出面吹住風咁食應該都舒服下，可惜我個日有小小感冒唔想吹風就坐咗入室內。
點解話呢度有泰國特色，就係因為墻上好多泰國嘅掛飾，而且呢度店員好多都有泰國血統，服務態度都好唔錯，好好客，會介紹下有咩正。只可惜我個胃又裝唔曬，叫order咗杯椰汁沙冰，芒果蟹肉炒飯同冬陰功烏頭。😀😀😀
杯椰汁沙冰甜甜地，冰都打碎得好幼細，飲落都好舒服，冰冰涼涼。跟住就到個芒果蟹肉炒飯，呢個炒飯都唔錯，可能因為有芒果，炒飯唔會話好乾，蟹肉帶海水味嘅鮮甜味其實同芒果嘅果甜味有個對比，一啖無芒果肉嘅炒飯，感覺好香，有鹹香嘅味道，一啖有芒果肉嘅炒飯嘅味道又會係另一回事，可以話芒果嘅香甜味好突出，好開胃，但最尾又會品嘗到淡淡嘅海水味，算係幾有層次，未等烏頭上黎，我都忍唔住食曬，所以可想言之呢個炒飯都幾得。😆😆😆😆
最後就係烏頭，個烏頭係用明爐上，冬陰功湯浸住，下面有蠟燭熱住食。我一黎就梗係先試冬陰功湯，非常好飲，香料夠足而且湯底夠濃，口感醇厚，先飲兩小碗。烏頭真係幾好食，烏頭佢肉夠多，肉質不錯，味道鮮甜，冬陰功湯浸到魚肉好入味，慢慢一d一d食，雖然食得耐，但越黎越入味，就越黎越滋味。😛😛😛
總嘅黎講，我覺得呢度服務幾好，有正宗泰國風味，環境都舒服，經過或者附近嘅朋友真係可以試下。
張貼
