影片
更多
2014-01-10
2834 瀏覽
夜晚同朋友係尖沙咀行完街, 近近地係Isquare搵間餐廳食個晚餐。之前係沙田同太古都見過下呢間日本野, 睇個樣都幾吸引, 想想地去食,不過次次都撞到多人排隊,今次見到無人排, 仲唔即刻衝入出! 一入去,原來尖沙咀個間都幾細下, 無沙田個間外面見到咁大,不過都算坐得舒服~個餐牌都幾簡單下, 睇下個Set先~一碗細拉麵加個飯。飯就分生同熟:生就有: 魚子魚生飯, 指定壽司, 三文魚魚生飯…熟就有: 煎帶子牛油飯… (同唔係好記得…)拉麵有4款湯底揀: 醬油, 鹽, 味噌, 辣味我就揀左三文魚魚生飯+鹽味拉麵味道唔錯, 魚生都新鮮。拉麵就有片叉燒, 有好大塊肥糕~仲有竹筍, 嗚門卷, 同梅? (其實我都好少見有梅係拉麵到, 唔通係我見識少?)朋友揀左煎帶子牛油飯+辣味拉麵試左啖佢個湯底!! 早知揀辣味啦, 又唔係好辣, 但係就惹味好多, 鹽味比起上黎就淡好多。其實可以食到少辣的人可以試下辣味, 因為個湯底真係唔可以算係辣, 重口味的人就更加要食辛辣味。再試佢個飯,正!個帶子煎得剛剛好,似8成熟,牛油飯好香口, 但係見佢食完個碗底成層油就嚇親, 係好味不過應該好肥~今次我地兩個女仔食, 個
之前係沙田同太古都見過下呢間日本野, 睇個樣都幾吸引, 想想地去食,
不過次次都撞到多人排隊,
今次見到無人排, 仲唔即刻衝入出!
一入去,原來尖沙咀個間都幾細下, 無沙田個間外面見到咁大,
不過都算坐得舒服~
個餐牌都幾簡單下, 睇下個Set先~一碗細拉麵加個飯。
飯就分生同熟:
生就有: 魚子魚生飯, 指定壽司, 三文魚魚生飯…
熟就有: 煎帶子牛油飯… (同唔係好記得…)
拉麵有4款湯底揀: 醬油, 鹽, 味噌, 辣味
我就揀左三文魚魚生飯+鹽味拉麵
味道唔錯, 魚生都新鮮。拉麵就有片叉燒, 有好大塊肥糕~
仲有竹筍, 嗚門卷, 同梅? (其實我都好少見有梅係拉麵到, 唔通係我見識少?)
朋友揀左煎帶子牛油飯+辣味拉麵
試左啖佢個湯底!! 早知揀辣味啦, 又唔係好辣, 但係就惹味好多, 鹽味比起上黎就淡好多。
其實可以食到少辣的人可以試下辣味, 因為個湯底真係唔可以算係辣, 重口味的人就更加要食辛辣味。
再試佢個飯,正!個帶子煎得剛剛好,似8成熟,牛油飯好香口, 但係見佢食完個碗底成層油就嚇親, 係好味不過應該好肥~
今次我地兩個女仔食, 個分量就剛剛好, 不過見隔離枱男仔就係到話食唔飽~
題外話/補充資料：
溫馨提示:
真係要諗下好唔好同男仔一起去食, 分分鐘食完要再陪個男仔去食第二餐先飽
同埋要收加一, 大概每人一百蚊以上啦
(以上食評乃用戶個人意見 , 並不代表OpenRice之觀點。)
張貼
