影片
更多
2023-08-06
766 瀏覽
話說去到檔口個時冇人排隊嘅，只係有個女店員同個男人喺度吹緊水。咁我就埋去買個套餐，我好客氣咁問佢收唔收$500蚊紙（我得一張500蚊）然後佢諗咗一秒，黑面+好串+極冇禮貌+冇尾音: 唔收! ！雖然個一刻好想話佢使唔使咁呀？不過最後吞咗。因為覺得同呢啲人講盞嘥氣兼嘈交。然後我收返左500蚊，走咗嗰一刻我覺得自己似係去佢舖頭乞食多個買嘢。我明白小店未必肯找500蚊，所以喺佢準備嘢食之前我都問聲佢，由佢決定做唔做呢個生意。但係佢回覆我都唔使好似叫乞兒過主咁嘅態度，就算幾好食都一定唔會再幫襯！
張貼