鳥山。商號 (已結業)

放假去參加污糟兒活動，見到呢間環境望落幾靚，就揀咗呢間，點知係惡夢嘅開始。首先，我去嗌咗一杯污糟兒（Dirty），我想拎埋收據，點知店員話：我哋呢度冇收據個喎。要收據嘅話要俾錢。我內心心諗點解買嘢冇收據，仲要俾錢，不過既然冇咁就算。但係店員口吻及態度極差，亦都非常冇禮貌。然後，我坐低等佢整好。我望一望見到店員將一杯類似咖啡嘅杯送咗去隔離枱，明明人哋係啱啱坐低，單都未落。佢就問我：係咪你哋㗎？ 之後就放低咗。而Dirty其實係將Expresso倒入凍奶入面，唔會攪勻，飲嘅係個shot同奶嘅分層，宜家佢放到我枱，已經完全攪勻晒，成杯奶茶咁，我都唔知自己飲咗啲咩了。另外，同行朋友仲嗌咗杯朱古力，非常甜，完全飲唔落口。飲吓嘢，店員又無端端送餐上嚟，之後發現原來喺隔籬枱。由此可見，送餐亦都冇乜系統。平時都有去唔同cafe，今次呢次體驗真係非常之差。唔會再去，亦唔建議大家去。