影片
更多
2017-04-28
811 瀏覽
今晚冇飯食，打俾好朋友問有冇意欲出來食飯，佢竟然話約咗我哋中學時期的女神出來，有女神的出沒，我當然逼佢講出約會地點，然後強行加入。原來佢哋約咗在旺角呢間燒肉放題食飯。燒肉食過，日式放題都食過，但係燒肉放題其實真係未食過，不過有女神坐鎮，食咩我都仆倒過來啦！由於收到消息的時候已經為時已晚，來到現場佢哋已經食緊，我見到枱面上有個美輪美奐的的刺身小碟，當然搶先試一試啦（這個時候已經不理在女神面前的形象），雖然話名叫係食燒肉，但原來刺身款式都幾多喎，眼前經已見到有北寄貝，三文魚，帶子同甜蝦，三文魚係我的最愛，一來都已經食咗三片，仲食到一款細細舊的好爽口的刺身，應該就係馬刀貝了！食完刺身之際，佢哋已經燒好左多春魚了，細看多春魚之下原來放咗一層紙，呢個燒法又幾好喎，唔使直接比食物接觸個爐面燒，減少燒焦的機會，又冇甘油！多春魚個肚裏面收埋咗好多春春BB呀！好多蛋白質，好香口。 後來都我點菜先知道加左＄40升級皇牌放題，好在佢哋選擇咗升級， ＄40又唔算好多，但係食多好多正嘢，例如係呢個香草羊架，我哋叫完一碟又一碟，看到羊架之上那層厚厚的香草，可想而知羊架能夠好輕易好充足的吸收左香草的味，放上爐燒的時
原來佢哋約咗在旺角呢間燒肉放題食飯。燒肉食過，日式放題都食過，但係燒肉放題其實真係未食過，不過有女神坐鎮，食咩我都仆倒過來啦！
由於收到消息的時候已經為時已晚，來到現場佢哋已經食緊，我見到枱面上有個美輪美奐的的刺身小碟，當然搶先試一試啦（這個時候已經不理在女神面前的形象），雖然話名叫係食燒肉，但原來刺身款式都幾多喎，眼前經已見到有北寄貝，三文魚，帶子同甜蝦，三文魚係我的最愛，一來都已經食咗三片，仲食到一款細細舊的好爽口的刺身，應該就係馬刀貝了！
食完刺身之際，佢哋已經燒好左多春魚了，細看多春魚之下原來放咗一層紙，呢個燒法又幾好喎，唔使直接比食物接觸個爐面燒，減少燒焦的機會，又冇甘油！多春魚個肚裏面收埋咗好多春春BB呀！好多蛋白質，好香口。
後來都我點菜先知道加左＄40升級皇牌放題，好在佢哋選擇咗升級， ＄40又唔算好多，但係食多好多正嘢，例如係呢個香草羊架，我哋叫完一碟又一碟，看到羊架之上那層厚厚的香草，可想而知羊架能夠好輕易好充足的吸收左香草的味，放上爐燒的時候除了羊肉的香， 同時散發出香草的香氣，食落唔覺得有羊臊味，好香口，好惹味！
帆立貝大大粒，啖啖肉咁幾彈牙！最後仲食咗大大粒蒜蓉牛油青口
拖羅都可以放上芝士來燒，夠創新！
芝士嘅界別仲有芝士麻吉燒，我孤陋寡聞，真係未聽過麻吉燒呢樣野，不過煙煙韌韌咁，裏面有包住啲軟軟的芝士，不錯。
除咗推介一口和牛，牛舌亦都係必試之選！厚度切得好適中，放上去燒唔使燒好耐就熟，食得，好乾身，咬落幾chewy 又爽口。
女神竟然親自燒雞肉比我食，簡直一個莫大嘅恩典，雞肉好滑，油脂算係厚少少，放上去燒過好香。
後來仲食得落，但係又懶唔想燒，我就點佢哋個餃子來試吓，細細隻的的式式咁，外皮炸得幾香，都不錯。忘記了影相，呢度嘢飲之中可以揀自家涼茶！怕熱氣嘅朋友可以一試，唔苦的，甘甘地（雖然我講唔出係咩涼茶） ，不過好欣賞佢哋食物咁多樣化，連野飲都咁照顧客人，而且涼茶係自家製，好有誠意。
今晚呢餐燒肉放題令大家胃口都好滿足，但可惜女神在晚餐的後段已經先行回家，希望不久的將來可以再同佢食飯。
張貼
