鼎爺私房菜 (已搬遷) 新店位置

自從17年剛開張時來過，仲由鼎爺親自下廚，之後就無再來過。留意到呢度做咗C類餐廳，諗住一行六人來，試吓佢個抗疫午市套餐，不過最後都係得四人來。一星期前用whatsapp聯絡訂枱，對話過程有啲兒戲，缺乏一般專業客戶服務，未去前已經扣左少分。準時入坐，安排近大門口和廚房門口位置，環境還可以，不過廚房就有少少嘈，雖然只是開咗幾年，地方有啲疲態，櫈上和牆壁都有啲污漬，廁所都麻麻，燈又壞咗，無梘液，無抺手紙。抗疫午市套餐，價錢算吸引，但係菜式比較一般，所以無期待有什麼驚喜。先開壺龍井茶，茶味一般，茶色偏啡黃，味道苦澀，之後食物陸續上枱，服務都唔錯，不過就趕咗啲，。頭盤中鮮蝦火鴨腐皮卷比較特別，味道唔錯，其餘嘅都係一般，三片萵筍就太薄，缺乏口感，燉烏鷄湯料足，感覺滋補，加咗$88要個乾蔥豆豉雞煲，熱辣辣上枱，好大煙，香噴噴，不過汁就彈到四周圍，著白色衫嘅話就真係要走遠少少，鷄肉唔算嫩滑，有啲老，不過鼓汁就幾香口，欖菜肉菘四季豆就中規中矩，鮑汁三絲伊麵就過林，幾碎吓，三絲不多，可能得三小條，好似食緊即食麵，最後海帶綠豆沙，綠豆不起沙，海帶唔爽口，仲食到一舊粉狀嘅物體，成餐飯都已經無乜驚喜，一般嘅家常