影片
更多
2009-10-15
50 瀏覽
今日路過洛克道,見到有間野有“雙併燒味撈麫”套餐$28未試過!!價錢合理,就入去試下~~~~坐低叫啦,阿姐話有叉燒、燒肉、雞、鴨、鵝咁我叫叉鵝撈麫、汽水啦!阿姐話鵝要加錢,我話OK!!之後望下張單寫住$36(算啦!可能要加錢呢~ )叉鵝撈麫到食先,汽水未黎~~麫質難食,叉燒好把鬼,但明顯舊鵝係鴨喎,我咁大個人食得出睇皮都分到!問一下阿姐汽水仲未黎,順問下係咪斬錯鴨呀?佢話我地無鴨賣喎,緊係鵝黎啦!(前言不對後語,算!照食 )跟手阿姐係我張單寫左D野,佢行開攞汽水我望望張單……寫住“$36+6”呀!大支裝汽水黎到,我問,$36唔係連汽水咩?佢就好唔滿意咁改番……唔睇呢餐就$42架喇!食飽俾錢走人,睇返門口張紙~原來罐裝汽水唔駛加錢架!錢都俾左,多口問下啦!另一阿姐搶答:係外賣價(唔該大家幫幫眼睇睇相 )唔評論呢種做生意手法……總之要帶眼夠精靈~如果大家想試下“雙併燒味撈麫”,記得要外賣。
未試過!!價錢合理,就入去試下~~~~
坐低叫啦,阿姐話有叉燒、燒肉、雞、鴨、鵝
咁我叫叉鵝撈麫、汽水啦!
阿姐話鵝要加錢,我話OK!!
之後望下張單寫住$36(算啦!可能要加錢呢~ )
叉鵝撈麫到食先,汽水未黎~~
麫質難食,叉燒好把鬼,但明顯舊鵝係鴨喎,我咁大個人食得出睇皮都分到!
問一下阿姐汽水仲未黎,順問下係咪斬錯鴨呀?
佢話我地無鴨賣喎,緊係鵝黎啦!(前言不對後語,算!照食 )
跟手阿姐係我張單寫左D野,佢行開攞汽水我望望張單……寫住“$36+6”呀!
大支裝汽水黎到,我問,$36唔係連汽水咩?佢就好唔滿意咁改番……唔睇呢餐就$42架喇!
食飽俾錢走人,睇返門口張紙~原來罐裝汽水唔駛加錢架!
錢都俾左,多口問下啦!另一阿姐搶答:係外賣價(唔該大家幫幫眼睇睇相 )
唔評論呢種做生意手法……總之要帶眼夠精靈~
如果大家想試下“雙併燒味撈麫”,記得要外賣。
張貼
